Joseba Gabilondo

Joseba Gabilondo Alberdi (Urretxu, Gipuzkoa, 1963ko ekainaren 12a) euskal idazlea, irakaslea eta literatura kritikaria da, nabaria euskal literaturaren historiaz egindako ikerketengatik. Zenbait unibertsitate estatubatuarretan irakatsi du (Florida University, University of Nevada, Bryn Mawr College, Michigan State University). Euskadi Literatura saria eskuratu zuen 2014 urtean, euskarazko saiakera modalitatean.^[1] Unamuno saioa saria ere irabazi zuen 2015 urtean Globalizazioak eta Erdi Aro berria: diferentzien itzuleraz lanarekin.^[2] Jatorriz ingelesez idatzitako euskal literaturaren historia laburbiltzen duen liburu bat argitaratu zuen 2016 urtean: Before Babel: A History of Basque Literatures (2020an euskarazko itzulpenean argitaratua: Babel aurretik: euskal literaturen historia bat)

Joseba Gabilondo
Irudi gehiago
Bizitza
Jaiotza	Urretxu, 1963ko ekainaren 12a (61 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania ingelesa
Jarduerak
Jarduerak	saiakeragilea, literatura-kritikaria, unibertsitateko irakaslea eta idazlea
Enplegatzailea(k)	Michigan Estatuko Unibertsitatea Nevadako Unibertsitatea Renon
Jasotako sariak	ikusi Euskadi Saria - Euskarazko Saiakera  (2014) : New York - Martutene

Euskal literatur kritikaren alorrean trilogia bat idatzi ondoren (Nazioaren hondarrak, New York-Martutene, Babel aurretik), beste trilogia bat idazteari ekin dio, teoria kritikoaren bidetik, globalizazioaz. Bigarren trilogiaren lehenengo bi liburuak argitaratu ditu oraingoz: Globalizazioak eta Erdi Aro berria eta Populismoaz. Hirugarren liburuaren behin-behineko izenburua zera da: Apokalipsirantz: geroaren historia politikoa.

Estatu espainiarrari buruzko beste trilogia bat ere hasi du. Lehen liburua 2024an argitaratu du: España postimperial: Ideologías del imperio restaurativo. Hurrengo liburuaren behin-behineko izenburua zera da: Atlantic Spain: Literature, Postimperialism, and the Long Nineteenth Century (1766-1923).

Lanak

Saiakerak

• España postimperial: Ideologías del imperio restaurativo, 2024.
• Globalizaciones: La nueva Edad Media y el retorno de las diferencias, 2019.
• Introduction to a Postnational History of Contemporary Basque Literature (1978-2000): Remnants of the Nation, 2019.
• Populismoaz. Subiranotasun globala eta euskal independentzia, 2017.
• Globalizazioak eta Erdi Aro berria: diferentzien itzuleraz, 2016. Gaztelerazko edizioa:
• Before Babel: A History of Basque Literatures, 2016. Euskarazko edizioa: Babel aurretik: euskal literaturaren historia bat, 2020.
• New York - Martutene: Euskal postnazionalismoaren utopiaz eta globalizazio neoliberalaren krisiaz, 2013.^[3]
• Nazioaren hondarrak: Euskal literatura garaikidearen historia postnazional baterako hastapenak, 2006.

Narratiba

• Apokalipsia guztioi erakutsia, 2009.
• Kaliforniatik bihotzez, 1992.

Sariak

• 2014: Euskadi Literatura saria eskuratu zuen euskarazko saiakera modalitatean New York-Martutene liburuarengatik.^[1]
• 2015: Unamuno saioa saria irabazi zuen Globalizazioak eta Erdi Aro berria: diferentzien itzuleraz lanarekin.

Erreferentziak

1. «Joseba Gabilondoren 'New York-Martutene'-k jaso du Euskadi saria» Berria 2014-10-30 (Noiz kontsultatua: 2024-12-08).
2. BILBOKO UDALAK URTERO DEITZEN DITUEN MIGUEL DE UNAMUNO SAIAKERA LEHIAKETAKO ETA BLAS DE OTERO POESIA LEHIAKETAKO SARIEN BANAKETA EKITALDIA – Bilbao Kultura. 2024-12-08 (Noiz kontsultatua: 2024-12-08).
3. Alberdi, Joseba Gabilondo. (2013). New York - Martutene. Euskal postnazionalismoaren utopiaz eta globalizazio neoliberalaren krisiaz. UPV/EHU arg ISBN 978-84-9860-731-4. (Noiz kontsultatua: 2024-12-08).

Kanpo estekak

• Joseba Gabilondo hitzaldia - “XXI. mendeko abertzaletasunaz” EHU uda ikastaroa “Globalizazioa, postnazionalismoa eta etnizitatea”
• «Joseba Gabilondo», Literaturaren Zubitegia.
• Joseba Gabilondoren webgunea
• «BEFORE BABEL: A History of Basque Literatures». Gabilondoren liburua pdf formatuan

• Datuak: Q12260760
• Multimedia: Joseba Gabilondo / Q12260760