Jon Barberena

Jon Barberena Ibarra (Elizondo, Nafarroa Garaia, 1979ko otsailaren 21a - 2019ko irailaren 12a^[1]) idazlea eta bertsolaria izan zen. Kirol Irakasletzako diplomaduna, Kultura eta Gizarte Antropologiako lizentziaduna eta Bergarako UNEDen Idazle Eskolako graduondoa zuen. Euskara irakaslea zen lanbidez. Bertsolaritzan ibilbide oparoa egin du, Baztango bertso eskolako kide eta irakasle izana da eta Nafarroako Bertsolari Txapelketan txapeldunordea bi aldiz (2007, 2008). Bertsogintzan ez ezik, literatura-sorkuntzan ibilia da. Izoztu zitzaigun negu hura (2016) poesia-liburua idatzi zuen eta Ttipi-Ttapako eta Xorroxin Irratiko kolaboratzailea zen.^[2]

Jon Barberena
Bizitza
Jaiotza	Elizondo, 1979ko otsailaren 21a
Herrialdea	Nafarroa Garaia, Euskal Herria
Heriotza	2019ko irailaren 12a (40 urte)
Hezkuntza
Hizkuntzak	euskara gaztelania
Jarduerak
Jarduerak	bertsolaria eta idazlea

Idazlea

• 2011n, Iruñeko Udalak antolatutako Egile Berrientzako Literatur Lehiaketako lehenengo saria lortu zuen poesian,¡ Emaztekien oihu mutuak lanarekin.
• 2013an, Iruñeko Udalak antolatutako Egile Berrientzako Literatur Lehiaketako bigarren saria lortu zuen poesian Kontraerranak lanarekin.
• 2015ean, Iruñeko Udalak antolatutako Egile Berrientzako Literatur Lehiaketako lehenengo saria lortu zuen poesian ( ) utsunea lanarekin.
• 2016an, Nafar Ateneoak eta Iruñeko Udalak antolatutako <<Iruña Hiria>> I. Nazioarteko Poesia Sariketa irabazi zuen Izoztu zitzaigun negu hura poesia lanarekin.
• 2018an, Mungiako Udalak antolatutako Lauaxeta Olerki Sariketa irabazi zuen Neguko gaba poesia lanarekin.

Bertsolaria

Jon Barberena Nafarroako txapelketan.

Bat-batekoa

• 2007ko Nafarroako Bertsolari Txapelketako txapeldunordea izan zen.
• 2008ko Nafarroako Bertsolari Txapelketako txapeldunordea izan zen.
• 2004. urtean Mariano Izeta sariketa irabazi zuen.
• 2003. urtean Xalto Saria irabazi zuen.

Idatziz

• 2003an, Iruñeko Udalak antolatutako Egile Berrientzako Literatur Lehiaketako bigarren saria lortu zuen bertso paperak modalitatean, Euskal Herriko konpota lanarekin.
• 2004an, Iruñeko Udalak antolatutako Egile Berrientzako Literatur Lehiaketako lehenengo saria lortu zuen bertso paperak modalitatean, Algecirasko Carmele lanarekin.
• 2005ean, Iruñeko Udalak antolatutako Egile Berrientzako Literatur Lehiaketako lehenengo saria lortu zuen bertso paperak modalitatean, Europa aldetik dator Thaimiren gutuna lanarekin.

Bestelako lanak

Liburuak

• Izoztu zitzaigun negu hura (2016, Denonartean). <<Iruña Hiria>> I. Nazioarteko Poesia Sariketa irabazi zuen lan honekin

Ikus-entzunezkoak

Xorroxin Irratian ere urte aunitzetan izan da kolaboratzailea, batez ere Ti-ta iritzi tartean. 2012an Baztan pelikularako Angel Illarramendik sortutako soinu bandari hitzak egin zizkion; 2015ean Elizondon egin zen Nafarroa Oinezen abestiaren hitzak ere bereak ziren; eta 2004an Iñigo eta Imanol Goikoetxeak Baztandarren Biltzarrerako sortu zuten kantaren hitzak berari zor zaizkio.^[2]

Komunikabideak

• Berria egunkariko Nafarroako Hitza atalean kolaboratzailea.
• 2018ko martxotik kolaborazioak egin zituen Ttipi-Ttapan, iritzi saileko 'Nire txanda' atalean; eta aitzinetik 'Bota bertsoa' txokoan ere ale ederrak utzi ditu.

Erreferentziak

1. Goikoetxea, Garikoitz. «Jon Barberena bertsolaria hil da, 'Nafarroako Hitza'-ko kolaboratzailea» Berria (Noiz kontsultatua: 2019-09-12).
2. Ttipi-Ttapa. (2019-09-12). «Jon Barberena bertsolaria eta idazlea hil da» Erran.eus (Noiz kontsultatua: 2019-09-12).

Kanpo estekak

• «Jon Barberena», Bertsozale.eus
• Idazleak.eus
• Jon Barberenaren kolaborazioak^{[Betiko hautsitako esteka]} Ttipi-Ttapa

• Datuak: Q12260503