Gloria Steinem

Gloria Marie Steinem (Toledo, Ohio, AEB, 1934ko martxoaren 25a -) estatubatuar idazle eta aktibista politikoa da.

Gloria Steinem
(2016) Irudi gehiago
Bizitza
Jaiotzako izen-deiturak	Gloria Marie Steinem
Jaiotza	Toledo, 1934ko martxoaren 25a (90 urte)
Herrialdea	Ameriketako Estatu Batuak
Bizilekua	Ameriketako Estatu Batuak
Lehen hizkuntza	ingelesa
Familia
Ezkontidea(k)	David Bale  (2000 -  2003)
Haurrideak	ikusi Susanne Steinem Patch (en)
Hezkuntza
Heziketa	Smith College Artean graduatu Waite High School (en)
Hizkuntzak	ingelesa
Jarduerak
Jarduerak	kazetaria, idazlea, erreportaria, aktibista, saiakeragilea, editorea, hizlaria, emakumeen eskubideen aldeko ekintzailea, aktorea, giza eskubideen aldeko ekintzailea eta militante politikoa
Enplegatzailea(k)	Chayanne
Jasotako sariak	ikusi Humanist of the Year  (2012) Emakumeen Arrakastaren Saloi Nazionala  (1993) Library of Congress Living Legend Ohio Women's Hall of Fame  (1983) Women's Caucus for Art Lifetime Achievement Award  (1980) The Smith College Medal Komunikazioaren eta humanitateen Asturiasko Printzesa saria  (2021) Radcliffe Medal  (2010) 100 Emakume (BBC)  (2023)
Kidetza	Phi Beta Kappa Elkartea National Women's Political Caucus (en) Democratic Socialists of America (en)
Mugimendua	feminismoa
gloriasteinem.com

Gloria Steinemen erretratua, 1972koa.

Biografia

Smith Collegen eta Delhi eta Kalkultako unibertsitateetan, Indian, egin zituen ikasketak. Kazetari gisa lan egitea erabaki zuen, eta 1960an lanpostua lortu zuen New Yorkeko Help! aldizkari politiko satirikoan. 1963an Ni Playboy aldizkariko untxietako bat izan nintzen artikulua argitaratu zuen, Manhattaneko Playboy Cluben isilpean egin zuen lanean oinarrituta. Arrakasta handia izan zuen, eta harrezkero bere artikuluak modako aldizkarietan argitaratzen hasi ziren: Vogue, Glamour, Cosmopolitan.

1964-1965 urteetan telebistarako gidoiak idatzi zituen ospe handiko programa baterako. 1968an politikari buruz idazten hasi zen berriro, eta astean behin zutabe bat idatzi zuen New York aldizkarian. Handik gutxira bat egin zuen feminismoarekin, eta mugimendu horretako pertsona nagusietako bat bihurtu zen. 1971n, Betty Friedan, Bella Abzug eta Shirley Chisholmekin batera, National Women's Political Caucus sortu zuen. Urte horretan bertan, Pat Carbineren laguntzarekin, lehen aldizkari feministaren argitalpena bultzatu zuen: Ms (mister eta miss edo missis kortesiazko formulak batzeko proposamena). Handik aurrera emakume gazteen eredu bihurtu zen, emakumeak askatasuna lortzen duenean gizona ere gizaki oso bihurtuko delakoan.

Lanik aipagarrienak: Ekintza eskandaluzkoak eta eguneroko mutirikeriak (1983), saiakera eta artikulu bilduma; Marilyn (1986), zinema-antzezle ezagunaren biografia; Barne-iraultza (1991), feminismoaren barruan bizitako sentimenduen azterketa.

Lana

• The Thousand Indias (1957)
• The Beach Book (1963)
• Outrageous Acts and Everyday Rebellions (1983)
• Marilyn: Norma Jean (1986)
• Revolution from Within (1992)
• Moving beyond Words (1993)
• Doing Sixty & Seventy (2006)

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Gloria Steinem

• Datuak: Q231178
• Multimedia: Gloria Steinem / Q231178