Remove ads
Garezurraren atzealdea osatzen duen hezur konposatua, zulo okzipitala inguratzen duena eta atlasarekin giltzatu ahal izateko kondiloz hornituta dagoena From Wikipedia, the free encyclopedia
Garondo-hezurra garezurraren atze-behealdean kokatzen den hezur bakuna da. Esfenoide, loki eta pareta hezurren artean kokatzen da.
Garondo-hezur | |
---|---|
Xehetasunak | |
Honen parte | Burezurra Kalota Neurokranioa |
Kokapena | Burezurra |
Konponenteak | squamous part of occipital bone (en) basilar part of occipital bone (en) lateral part of occipital bone (en) foramen magnuma |
Artikulazioa | Hezur parietala Loki-hezurra Esfenoide hezurra atlasa |
Identifikadoreak | |
Latinez | os occipitale |
MeSH | A02.835.232.781.572 |
TA | A02.1.04.001 |
FMA | 52735 |
Terminologia anatomikoa |
Lau zati ditu: oinaldeko zatia, ezkata eta bi alboko zati.
Burezur oinaldean kokatzen da eta zulo nagusiaren aurrean dagoen xafla estua da. Garezurraren kanpoalde eta behealdean eztarri tuberkulua du. Esfenoidearen atzeko klinoide irtenguneekin giltzatzen da, sinkondrosi motako jostura baten bidez (esfenoide-garondoetako sinkondrosia), clivusa osatuz. Alboaldeek loki hezurraren harri itxurako zatiarekin bat egiten dute, sigmoide zabalgunearen ildoan.
Zulo nagusiaren behe alboan kokatzen dira eta bertan garondo kondiloak daude. Kondiloak lehen ornoarekin (atlasa) gitzatzen dira, giltza aurpegien bidez. Kondiloen atzekaldean kondilo kanalaren inguruko depresioak diren kondilo hobiak daude, bakoitza albo batean. Aurrean, hipogloso nerbioaren kanal zabala dago. Nerbio horrek ibilbide laburra egin eta garezur barruan irekitzen da. Kondiloen alboetara jugular muxarradura dago. Muxarradura hori garondo hezurra loki hezurrarekin lotzean, zulo bilakatzen da, jugular zuloa osatuz.
Zulo nagusitik atzerantz eta gorantz proiektatzen den zati zabal eta laua da. Zatirik handiena pareta hezurrari lotzen da. Behekaldetik, mastoide irtengunearekin giltzatuta egongo da.
Barrutik, zain zabalguneen aztarnak antzematen dira. Egiturarik nabarmenena, gurutze itxurako goragunea da, ezkata barnealdetik lau ataletan banatuko duena. Goiko bi hobiak garondo lobuluentzat izango dira eta behekoak garuntxo lobuluentzat. Gurutze honen erdiguneari barruko garondo goragunea deritzo eta hortik behera barruko garondo gangarra dago.
Kanpoaldean, giharren lotuneek uzten dituzten aztarnak nabari dira. Zulo nagusiaren atzeko ertza eta ezkataren goiko ertzaren erdibidean kanpoko garondo goragunea dago. Honen behekaldean, garondopeko lerro gorena, goikoa eta behekoa daude. Kanpoko garondo gangarra goiko lerrotik zulo nagusira abiatzen den gangar bertikala da.
Artikulu hau anatomiari buruzko zirriborroa da. Wikipedia lagun dezakezu edukia osatuz. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.