Fukushima (prefektura)

Fukushima prefektura (japonieraz: 福島県, Fukushima-ken^?) Japoniako Honshu uharteko prefektura bat da, Tohoku eskualdearen hegoaldean dagoena. Hiriburua Fukushima hiria da baina hiri handiagoak dira Iwaki eta Kōriyama.

Fukushima prefektura 福島県
Japonia
Ereserkia
Fukushima-ken Kenmin no Uta (en)
Administrazioa
Estatua	Japonia
ISO 3166-2	JP-07
Hiriburua	Fukushima
governor of Fukushima Prefecture (en)	Masao Uchibori (en)
Zatiketa	ikusi Aizuwakamatsu, Date (en) , Fukushima, Iwaki, Kitakata (en) , Kōriyama, Minamisoma (en) , Motomiya (en) , Nihonmatsu (en) , Shirakawa (en) , Sōma (en) , Sukagawa (en) , Tamura (en) , Adachi district (en) , Date district (en) , Futaba district (en) , Higashishirakawa district (en) , Ishikawa district (en) , Iwase district (en) , Kawanuma district (en) , Minamiaizu district (en) , Nishishirakawa district (en) , Onuma District (en) , Soma District (en) , Tamura district (en) , Yama district (en) , Otama (en) , Kawamata (en) , Koori (en) , Kunimi (en) , Futaba (en) , Katsurao (en) , Kawauchi (en) , Namie (en) , Naraha (en) , Okuma (en) , Tomioka (en) , Hanawa (en) , Samegawa (en) , Tanagura (en) , Yamatsuri (en) , Asakawa (en) , Furudono (en) , Hirata (en) , Ishikawa (en) , Tamakawa (en) , Kagamiishi (en) , Ten-ei (en) , Aizubange (en) , Yanaizu (en) , Yugawa (en) , Hinoemata (en) , Minamiaizu (en) , Shimogo (en) , Tadami (en) , Izumizaki (en) , Nakajima (en) , Nishigo (en) , Yabuki (en) , Aizumisato (en) , Kaneyama (en) , Mishima (en) , Showa (en) , Iitate (en) , Shinchi (en) , Miharu (en) , Ono (en) , Bandai (en) , Inawashiro (en) , Kitashiobara (en) eta Nishiaizu (en)
Geografia
Koordenatuak	37°45′01″N 140°28′04″E
Azalera	13,782,75 km²
Mugakideak	Niigata, Yamagata, Miyagi prefektura, Gunma, Tochigi eta Ibaraki
Punturik altuena	Mount Hiuchigatake (en)
Demografia
Biztanleria	1.825.325 (2021eko martxoaren 1a) Adierazpen errorea: Ustekabeko < eragileaEspresio akatsa: Ez dago operadorerik -(r)entzat
Dentsitatea	154 bizt/km²
Informazio gehigarria
Eskualdea	Tohoku
Uhartea	Honshu
Ordu eremua	UTC+09:00 eta Japan Standard Time (en)
pref.fukushima.lg.jp eta pref.fukushima.lg.jp…

Fukushima prefekturako mapa.

Historia

Meiji berrezarkuntza arte, Fukushima prefekturaren eremua Mutsu probintzia izan zen.

V. mendean kontrol-postuak ezarri ziren Shirawakan eta Nakoson "Japonia zibilizatua" hegoaldeko "barbaroen" erasoetatik babestearren.

2011ko lurrikara, tsunamia eta istripu nuklearra

Sakontzeko, irakurri: «2011ko Sendaiko lurrikara eta tsunamia» eta «Fukushimako istripu nuklearra»

2011ko martxoaren 11n 9,0 magnitudeko lurrikara bat gertatu zen Miyagi prefekturako kostatik gertu. Lurrikararen ondorioz, tsunami erraldoi bat sortu zen: prefekturako ekialdeko kosta jo zuen, eta 1.929 pertsona hil zituen prefekturan, ondasun asko erabat suntsitzeaz gainera.

Lurrikararen eta tsunamiaren ondoren, Fukushima I zentral nuklearraren sei erreaktoreetako biren kanpo-ontziak lehertu egin ziren nukleoaren fusioa gertatzearen ondorioz, eta sute larriak gertatu ziren beste hiru erreaktoretan. Ondorioz, erradiazio-maila zentralean eta inguruetan oso altua izan zen, eta biztanle asko ebakuatu behar izan zituzten. 7 mailako istriputzat jo zuten teknikariek, hau da, Txernobylgo istripuaren maila berekotzat.

Geografia

Fukushima Tōhoku eskualdeko prefekturarik hegoaldekoena da, etaTokiotik gertuen dagoena. Mendikateek bereizitako hiru eskualdetan banatuta dago lurraldea: Aizu, Nakadōri eta Hamadōri (mendebaldetik ekialdera).

Hamadōri eskualdea Ozeano Bareko kostaldean dago, eta aski laua eta epela da. Nakadōri eskualdea nekazaritza-ingurua da. Aizu eskualdea menditsua da; aintzirak eta basoak ditu, eta neguan elurra egiten du. Hiru parke nazional daude bere lurretan: Bandai-Asahi, Nikkō eta Oze.

Ekonomia

Kostaldeko jarduera tradizionalak arrantza eta itsaski-haztegiak dira.

2011ko istripua gertatu zen arte, jatorri nuklearreko energia elektriko asko ekoizten zen prefekturan, 10 erreaktore nuklear lanean ari baitziren (Fukushima I eta Fukushima II zentral nuklearrak).

Hiriburua eta inguruak software eta elektronika arloetako industriagune garrantzitsua dira.

Banaketa administratiboa

Hiriak

Hiri handienak:

1. Iwaki (349.947 biztanle)
2. Kōriyama (339.395 bizt.)
3. Fukushima (hiriburua, 289.355 bizt.)
4. Aizuwakamatsu (129.388 bizt.)
5. Sukagawa (80.336 bizt.)

Hiri guztiak:

Aizuwakamatsu Date Fukushima (hiriburua) Iwaki Kitakata Kōriyama Minamisōma

Motomiya Nihonmatsu Shirakawa Sōma Sukagawa Tamura

Herriak barrutika sailkatuta

Adachi barrutia Ōtama Date barrutia Kawamata Kōri Kunimi Futaba barrutia Futaba Hirono Katsurao Kawauchi Namie Naraha Ōkuma Tomioka Higashishirakawa barrutia Hanawa Samegawa Tanagura Yamatsuri

Ishikawa barrutia Asakawa Furudono Hirata Ishikawa Tamakawa Iwase barrutia Kagamiishi Tenei Kawanuma barrutia Aizubange Yanaizu Yugawa Minamiaizu barrutia Hinoemata Minamiaizu Shimogō Tadami Nishishirakawa barrutia Izumizaki Nakajima Nishigō Yabuki

Ōnuma barrutia Aizumisato Kaneyama Mishima Shōwa Sōma barrutia Iitate Shinchi Tamura barrutia Miharu Ono Yama barrutia Bandai Inawashiro Kitashiobara Nishiaizu

Ondasun nabarmenak

• 
  Aizuwakamatsuko gaztelua.
• 
  Ōuchi-juku herri tradizionala.
• 
  Bandai-Asahi Parke Nazionala.
• 
  Oze Parke Nazionala.
• 
  Arakawa ibaia Fukushima hiria zeharkatzen.
• 
  Abukuma ibaia.
• 
  Inawashiro aintzira.

Kanpo estekak

• Fukushima prefekturako webgune ofiziala (ingelesez)

• Datuak: Q71707
• Multimedia: Fukushima prefecture / Q71707