Europako Agiri Bakuna

Europako Agiri Bakuna^[1] nazioarteko itun bat izan zen, Europako Erkidegoko 12 estatu kideek^{[oh 1]} sinatu zutena, 1986ko otsailaren 17an Luxenburgon eta otsailaren 28an Hagan (Herbehereak). Erromako Itunari egindako lehenengo zuzenketa garrantzitsua izan zen. 1987ko uztailaren 1ean sartu zen indarrean. Europako Erkidegoaren izaera demokratikoa indartu zuen, botere berriak eman baitzizkion Europako Parlamentuari, eta handitu egin zituen Erkidegoaren jardun-eremuak (ingurumena, ikerketa eta garapena). Barruko merkatua sortzeko asmoa ikustarazi zuen.^[2]

Historia

1980ko hamarkadaren hasieran, Europako Erkidegoko estatuek merkatu bakarra sortzea urrun ikusten zuten. Merkatari eta politikariek merkatu bakar hori sortzeko beharra ikusten zuten, herrialdeen arteko merkataritza arautzen zituzten legeak harmonizatuz. Helburu hori lortzeko asmoz osatutako batzorde berezi batek ateratako ondorioak izan ziren geroago Agiri Bakunean jarri ziren erabakiak. Merkatu bakarra 1992rako sortu beharra ezarri zuten.

Agiri Bakunaren helburua herrialdeen arteko mugak gutxitzea eta merkataritza erraztea zen. Europako Erkidegoaren lehiakortasuna hobetzeko eta eraginkortasuna bermatzeko, gehiengo kualifikatuaren sistema alor gehiagotara zabaldu zen, aho batez erabaki beharreko alor kopurua gutxituz. Europako Parlamentuari ere indar gehiago eman zitzaion eta Europako Kooperazio Politikoa sortu zen, geroagoko Europar Batasunaren Atzerri eta Segurtasun Politika Bateratuaren aurrekaria.

Oharrak

1. Alemania, Belgika, Danimarka, Erresuma Batua, Espainia, Frantzia, Grezia, Herbehereak, Irlanda, Italia, Luxenburgo eta Portugal.

Erreferentziak

1. EIMA. Eskola-liburuetako onomastikaren, gertaera historikoen eta artelanen izenak. .
2. Europako Batasunaren historia. Argia astekaria, 2004ko apirilak 4, CC BY-SA 3.0, argia.eus (Noiz kontsultatua: 2020-9-19).

Kanpo estekak

• Datuak: Q622649

i • e • a

Europar Batasuneko Itunak, Europar Batasuneko hiru zutabeak eta Europar Batasuneko historia

1951/1952	1957/1958	1965/1967	1986/1987	1992/1993	1997/1999	2001/2003	2007/2009 ?
Ikatzaren eta Altzairuaren Europako Erkidegoa (IAEE)
	Euratom (Europako Energia Atomikoaren Erkidegoa)
	Europako Ekonomia Erkidegoa (EEE)		Europako Erkidegoa (EE)
		...Europako Erkidegoa: IAEE, EEE (EE, 1993), Euratom	Justizia eta Barne Arazoak (JBA)
				Arazo Kriminaletan Lankidetza polizial eta judiziala (AKLPJ)
			Atzerri eta Segurtasun Politika Bateratua (ASPB)
E U R O P A R   B A T A S U N A   ( E B )
Parisko Ituna	Erromako Ituna	Bruselako Ituna	Europako Agiri Bakuna	Maastrichteko Ituna	Amsterdamgo Ituna	Nizako Ituna	Lisboako Ituna
			"HIRU ZUTABEAK" – EEak (IAEE, EEE/EE, Euratom), ASPB, AKLPJ