Ekialdeko Indiak
From Wikipedia, the free encyclopedia
Ekialdeko Indiak[1] Asiako Indiei eman zitzaien antzinako izena da, Mendebaldeko Indietatik berezituz, Amerika izeneko kontinente berriaren erreferentzia zirenak. XVI. mendetik XIX. menderaino oso erabilia izan zen eta hegoaldeko eta hego-ekialdeko Asia guztia hartzen zuen bere baitan, Indonesiatik Indostaneraino. Hala ere, beste esanahi batzuk soilik hego-ekialdeko Asiarekin parekatzen zuten, eta beste batzuk are gehiago mugatzen zuten bere erabilera, Malaysiar artxipelagoarekin parekatuz Insulindiaren sinonimo bezala.
| Ekialdeko Indiak | |
|---|---|
 | |
| Datu orokorrak | |
| Mota | eskualde geografiko |
| Eponimoa | India |
| Geografia | |
 | |
| Koordenatuak | 1°N 103°E |
| Honen parte da | Indiak |
Ekialdeko Indiak izena europar kolonizazioarekin lotua dago, horretarako konpainia ugari sortu ziren, monopoliozko xede komertzialekin hasi zirenak, jarraian domeinu eta esplotazioan amaitu zutenak. Kolonien artean honako hauek egon ziren:
- Ekialdeko India Herbeheretarrak, Ekialdeko Indietako Herbeheretar Konpainiak gobernatua.
- Ekialdeko India Espainiarrak, Espainiar Koroaren jabetzakoak zirenak.
- India Britainiarra eta Ekialdeko Indietako Britainiar Konpainiak gobernatutako beste lurralde batzuk.
- Indotxina, Frantziar inperio kolonialaren jabetzakoa. Aurretik Indiako hego-ekialdea kolonizatu zuen Ekialdeko Indietako Frantziar Konpainiak.
- Timor portugaldarra eta Portugalek Indietan zituen beste zenbait enklabe.
- Serampore, kolonia daniarra Bengalan, Ekialdeko Indietako Daniar Konpainiak administratutakoa.
- Ekialdeko Indietako Suediar Konpainiak nagusiki aktibitate komertzialak egin zituen.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
