Croke Park

Croke Park, irlanderaz Páirc an Chrócaigh, Irlandako Joko Gaelikoen egoitza da eta kirolgune arrunt bat baino haratago dago, irlandarrek ia santutegitzat hartzen baidute. Dublinen kokatua, joko gaelikoen zale diren 80.000 ikusle izateko edukiera du, bai Futbol gaeliko nahiz Hurling partiduetarako. Dublin GAA taldearen egoitzetako bat da.

Croke Park
Croke Park
Irudi gehiago
Kokapena
Estatu burujabe	Irlandako Errepublika
Province of Ireland	Leinster
Desagertutako erakunde administratiboa	Dublingo konderria
Hiria	Dublin
Koordenatuak	53°21′39″N 6°15′05″W
Historia eta erabilera
Inaugurazioa	1884
Jabea	Elkarte Atletiko Gaeliko
Kirola	hamabosteko errugbia Futbol gaelikoa Hurlinga
Erabiltzailea	Irlandako errugbi selekzioa 2007 - 2010
Edukiera	82.300 eta 76.534
Webgune ofiziala

Bertan, urtero eta irailean, All-Ireland Senior Football Championship eta All-Ireland Senior Hurling Championship txapelketen finalerdi eta finalak jokatu ohi dira.

Futbol Gaeliko eta Hurling Txapelketak

Sakontzeko, irakurri: «All-Ireland Senior Football Championship» eta «All-Ireland Senior Hurling Championship»

Aipagarria da, urtero irailaren 3. edo 4. igandean bertan jokatu ohi diren All-Ireland Senior Football Championship futbol gaeliko eta hurling txapelketen finalak, hauetan iritsi diren bi konderrietako taldeak lehiatzen direlarik. Hauek sekulako zirrara eta ikusmina piztu ohi dute Irlanda osoan, beharbada herrialde honetako kirol ospakizun jendetsuenak direlarik. Esan beharrik ere ez dago, jarraitzaile ugari bertaratzen direla futbol gaeliko nahiz hurlingeko bi final hauetara, zaletu askok etxean nahiz tabernetan bildurik telebistaz ikusteko parada dutelarik.

Croke Park, 2004. urtean, Mayo GAA eta Kerry GAA taldeen arteko All-Ireland Senior Football Championship txapelketako finalan zehar.

Kiroldegi hau eraikin zen unetik bertatik atzerritar kirolei erabat itxia egon zen, baina 2007an, eta aurretik eztabaida asko egon ondoren, lehenbiziko aldiz irlandarra ez zen kirol bati bere ateak ireki zizkion: errugbia. Irlanda eta Ingalaterrako errugbi selekzioen arteko partida jokatu zelarik.

Igande Odoltsua

Kirolgune honetan 1920an Igande Odoltsua futbol gaeliko partida batean ingeles gudarostearen mendeku eraso batek ikuslegoa eta jokalariak metrailatu zituen, denera 13 ikusle eta jokalari bat hil zirelarik, egun hartan bertan IRAk hainbat atentatutan britainiarren aldeko Cairo Gang taldeko 15 espioi erail baizituen.

Iruditegia

• 
  Barnealdearen ikuspegi panoramikoa.
• 
  Harmailak.
• 
  Kanpoaldetik.
• 
  Ikuspegi panoramikoa gauez.
• 
  Kanpoaldeko ikuspegi panoramikoa.

Ikus gainera

• All-Ireland Senior Football Championship
• All-Ireland Senior Hurling Championship
• Elkarte Atletiko Gaeliko
• Futbol gaeliko
• Hurling
• Igande Odoltsua (1920)

Kanpo estekak

• Croke Parkeko Webgune Ofiziala (Ingelesez)

• Datuak: Q478225
• Multimedia: Croke Park / Q478225