Cristina Borboikoa

Cristina Borboikoa —jaiotzako izena: Cristina Federica Victoria Antonia de la Santísima Trinidad Borboi eta Greziakoa— (Madril, 1965eko ekainaren 13a - ) Espainiako infanta da, Joan Karlos I.a erregearen eta bere emazte Sofia Greziakoaren alaba delako. Errege Gorentasun (Alteza Real) titulua dagokio, eta 1997tik 2015era Palmako dukesa ere izan da.^[1][2] Egun zazpigarrena da Espainiako tronurako oinordekotzan, bere neba Filipe printzearen, horren alaba Leonor eta Sofia infanten, bere ahizpa Elena infantaren eta azken horren bi seme-alaben atzetik.

Cristina Borboikoa
Irudi gehiago
Bizitza
Jaiotzako izen-deiturak	Cristina Federica Victoria Antonia de la Santísima Trinidad de Borbón y Grecia
Jaiotza	Madril, 1965 (58/59 urte)
Herrialdea	Espainia
Familia
Aita	Juan Carlos I.a
Ama	Sofía Greziakoa
Ezkontidea(k)	Iñaki Urdangarin  (1997ko urriaren 4a -  2023ko abendua)
Seme-alabak	ikusi Juan Valentín de Todos los Santos Urdangarin y de Borbón Pablo Urdangarin (en) Miguel Urdangarín y de Borbón (en) Irene de Todos los Santos Urdangarin y de Borbón
Haurrideak	ikusi Elena Borboikoa Felipe VI.a Espainiakoa
Leinua	Espainiako Borboi etxea
Hezkuntza
Heziketa	Madrilgo Complutense Unibertsitatea St Mary's School (en) New Yorkeko Unibertsitatea Lycée Rochambeau French International School (en)
Hizkuntzak	gaztelania katalana ingelesa frantsesa greziera
Jarduerak
Jarduerak	estropadalaria
Parte-hartzailea 1988ko Udako Olinpiar Jokoak
Altuera	1,79 metro
Jasotako sariak	ikusi Elisabet Katolikoaren Ordenaren Gurutze Handia Order of the Virtues Knight Grand Cross of the Order of the Falcon Grand Cross of the Order of the Sun of Peru‎ Grand Cross of the Military Order of Christ Grand Cross of the Order of Prince Henry Karlos III.aren Ordenaren Gurutze Handia
Sinesmenak eta ideologia
Erlijioa	katolizismoa

1997ko urrian ezkondu zen, Bartzelonan, Iñaki Urdangarin eskubaloi jokalari olinpikoarekin. Ezkontza horretatik lau seme-alaba izan dituzte, tronurako oinordekotzan Cristina beraren atzetik daudenak jaiotzako hurrenkeran: Juan Valentín (1999an jaioa), Pablo Nicolás (2000), Miguel (2002) eta Irene (2005).

Politika zientzietan lizentziaduna da (1989) Madrilgo Complutense Unibertsitatean, eta New Yorken nazioarteko harremanei buruzko masterra egin zuen. Ondoren UNESCOn aritu zen praktikak egiten, Parisko egoitzan.

1992an Bartzelonan jarri zen bizitzen. 1993ko urrian La Caixan hasi zen lanean, hasieran erakusketa kulturalak antolatzen, eta geroago nazioarteko lankidetzako programen koordinatzaile. Lan horrez gain, Espainiako monarkiaren ordezkaritza lanak ere egin ohi ditu, estatu espainiarrean zein atzerrian.

2009an Bartzelona utzi eta Washingtonen jarri zen bizitzen, bere senar eta seme-alabekin, Urdangarinek Telefonican zuen lanpostua zela eta. 2011 amaieran, prentsan agertutako hainbat informazioren arabera, Urdangarin ustelkeria kasuetan sartuta egon da, berak zuzendutako Nóos enpresak emandako zerbitzu faltsuen bidez^[3]. Horiekin aberastu izana leporatu zaio, eta 2012ko urtarrilaren 13an kaleratu zenez, Cristina infantaren aurkako salaketak ere bazeuden,^[4][5].

Erreferentziak

1. 1502/1997 Errege Dekretua, irailaren 26koa, Bere Errege Gorentasun Infanta Cristina andereari Palma Mallorcako Dukesa titulua erabiltzeko eskumena emateari buruzkoa
2. 470/2015 Errege Dekretua, ekainaren 11koa, Palma Mallorcako Dukesa titulua erabiltzeko eskumena Bere Errege Gorentasun Infanta Cristina andereari kentzeari buruzkoa
3. La promotora de la infanta Cristina y Urdangarín investigada por el juez vuelve a dar beneficios (El Confidencial, 25-10-2011), Los duques de Palma, propietarios de Aizoon, S.L. comparten domicilio fiscal con el imputado Diego Torres (Elplural.com, 11-11-2011).
4. Los negocios de Urdangarin 'salpican' a la Infanta
5. La Infanta Cristina era directiva del Instituto Nóos. El secretario personal de las hijas del Rey era tesorero de la fundación presidida por Urdangarin.

Ikus, gainera

Wikimedia Commonsen badira fitxategi gehiago, gai hau dutenak: Cristina Borboikoa

• Urdangarin afera

• Datuak: Q230580
• Multimedia: Cristina de Borbón y Grecia / Q230580