Corinna Larsen edo, bere bigarren ezkontzatik hartutako deitura aristokrarikoarekin berak erabili ohi duen bezala, Corinna zu Sayn-Wittgenstein, alemaniar enpresaburu eta aristokrata bat da, Espainiako errege Juan Carlos I.aren adiskide hurkoa eta maitalea izateagatik ezaguna. Juan Carlos I.aren legez kanpoko negozioetan partaide edo onuradun izan dela ere argitaratu izan da[1][2].
| Corinna zu Sayn-Wittgenstein | |
|---|---|
| Bizitza | |
| Jaiotzako izen-deiturak | Corinna Larsen |
| Jaiotza | Frankfurt am Main, 1964ko urtarrilaren 28a (60 urte) |
| Herrialdea |  Alemania |
| Familia | |
| Aita | Finn Bönning Larsen |
| Ezkontidea(k) | Philip Adkins (en)  (1990 - 1993)Casimir Prinz zu Sayn-Wittgenstein-Sayn (en) (2000ko urriaren 26a - 2005) |
| Seme-alabak | ikusi
|
| Hezkuntza | |
| Hizkuntzak | alemana gaztelania |
| Jarduerak | |
| Jarduerak | enpresaburua |
2000. urtean ezkondu zen Casimir zu Sayn-Wittgenstein Berleburg izeneko printze tituludun batekin, eta orduan hartu zuen deitura. 2005ean banatu zen, baina izen horri eutsi zion. 2006an Juan Carlos I.a Espainiakoarekin harremana hasi zuen[3].
Lau urtez Zarzuela jauregiarekin konexio pribatua zuen etxalde batean (La Angorrilla izenekoa) bizi izan zen Madrilen, jabetza publikoko ondare batean[4]. Juan Carlos I.aren izenean Saudi Arabian negozioak egin izan dituela argitaratu izan da[5]. Halaber, bere ahotsa ageri den grabaketak agertu dira, zeinean onartzen zuen Juan Carlosentzat dirua Suitzan legez kanpo gordetzen lagundu zuela[5].
2012an, Juan Carlos I.aren Suitzako kontu batetik 65 milioi euro ordaindu zitzaizkion Corinnari, eta beste milioi bat ustezko beste maitale bati[2]. Urte berean, Botswanan zegoen safari batean, Juan Carlosi elefanteak ehizatzen laguntzen, non eta Juan Carlosek istripua izan zuen. Eskandalua piztu zen harekin, eta handik hilabete batzuetara Juan Carlosek abdikazioa aurkeztu zuen. Corinnak kasu hauen inguruan informazio gehiago eman ez zezan, presioak jasan omen zituen 2012tik aurrera, zeinetan CNI erakunde espainiarreko kideek parte hartu zuten[6].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
