Bonilla lantegi etxea

Bonilla lantegi etxea Gasteizko eraikin bat da, 1994ko azaroaren 4an, Eusko Jaurlaritzak Sailkatutako Kultura Ondasun izendatu zuena.

Bonilla lantegi etxea
Irudi gehiago
Kokapena
Herrialdea	Euskal Herria
Probintzia	Araba
Herria	Gasteiz
Koordenatuak	42°50′50″N 2°40′35″W

Deskribapena

Bonilla eraikina lantegi etxe motakoa da, Gasteizko erdiko aldean, Vicente Goikoetxea kalearen 15. zenbakia duena, bertan altzari tailerra eta erakusketa duena.

Francisco Albiñanak eta Joaquin Casaús-ek^[1] eraikin zuten 1915 eta 1917 artean, Antonio Bonillaren enkarguz.^[2]

Eraikin modernista da, soila, eta beheko solairuaz gainera beste bi pisu ditu. Marmolezko harri lauz osatutako zokaloa du beheko aldean eta, gainerakoa, grisez eta zuriz dago. Beheko solairuan hiru sarrera eta lau leiho daude, denak karpanel arkodunak. Gainerako bi solairuek beste multzo bat osatzen dute, bestea baino txikiagoa. Bertan, bost leiho ardatz daude, hauek ere karpaneldunak. Alde banatan, begiratokiak, oso dekoratuak eta bolutaz eta girlandaz dotoretutako mentsula handiak oinarritzat dituztela. Erdiko ardatzetan, balkoiak. Lehen solairukoak bi mentsulatan oinarritutako erlaitz batez lotuak. Fatxada aldea beste erlaitz moderatu batez osatzen da goiko aldean.

Erreferentziak

• Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).