Bering (itsasoa)

Bering edo Bering itsasoa^[1] (errusieraz: Берингово море, Beringovo More) Ozeano Barearen iparraldeko muturreko besoa da, Asia eta Ipar Amerika bereizten dituena^[2]. Izena Vitus Bering esploratzaile daniarrarengandik datorkio.

Bering itsasoa
Bering (itsasoa) Bering (itsasoa) (Ozeano Barea) Bering itsasoa, Kamtxatka eta Alaska artean
Ozeanoa	Ozeano Barea
Eskualdea	Errusia AEB
Kontinentea	Asia Ipar Amerika
Koordenatuak	58°N 178°W
Azalera	2.292.000 kilometro koadro

Geografia

Bering itsasoaren satelite irudia. Alaska eskuinean dago eta Errusia ezkerrean.

Ozeano Barearen iparraldeko muturrean dago, Asia ipar-ekialdearen eta Amerika ipar-mendebaldearen artean. Ekialdean Alaska, ipar eta mendebaldean Kamtxatka eta Siberia eta hegoaldean Alaskako penintsula eta Aleutiar uharteak ditu. Bering itsasarteak lotzen du Ozeano Artikoarekin^[3]. Bi milioi kilometro koadroko eremua dauka.

Bering itsasoko uharte nagusiak honako hauek dira:

• Pribilof uharteak
• Komandante uharteak, tartean Bering uhartea
• San Laurendi
• Diomedes uharteak
• King uhartea
• Saint Matthew uhartea
• Karaginski uhartea

Historia

Azken glaziazioan, hain zen baxua itsas maila non Asiako tribu batzuk Ipar Amerikara oinez migratu baitziren, gaur egungo Bering itsasartea zeharkatuz.

Erreferentziak

1. Euskaltzaindia. Europako toponimia fisikoa. .
2. Bering Sea and Strait Global.britannica.com
3. Lur entziklopedietatik hartua.

Kanpo estekak

• Datuak: Q44725
• Multimedia: Bering Sea / Q44725