Beñat Larralde

Beñat Larralde Hiriart^[1], ezizenez Bordaxuri^[2] (Hazparne, 1771ko irailaren 18 - Hazparne, 1853ko otsailaren 15) bertsolaria izan zen.

Artikulu hau Beñat izeneko bertsolariari buruzkoa da; beste esanahietarako, ikus «Larralde».

Beñat Larralde
Bizitza
Jaiotza	Hazparne, 1771ko irailaren 18a
Herrialdea	Lapurdi, Euskal Herria
Heriotza	Hazparne, 1853ko otsailaren 15a (81 urte)
Familia
Seme-alabak	ikusi Jean-Baptiste Larralde
Hezkuntza
Hizkuntzak	euskara
Jarduerak
Jarduerak	bertsolaria
Izengoitia(k)	Bordaxuri

Biografia

Hazparnen jaio eta bertako Eiheraberria etxean bizi izan zen. Lanbidez oihalgintzan eta tratulari aritu zen.

1804ko abuztuaren 20an Hazparneko Mari Etxeberrirekin ezkondu zen. Bi seme-alaba izan zituzten: Jan Battitt (hau ere bertsolaria izan zena) eta Jana Mari^[3]. Aldi berean Martin Larralde beste Bordaxuriren osaba zen.

Lanak

Bat-batean eta bertso jarriekin aritu zen. Ezagunenak:

• Hazparneko misioei buruzkoak.
• Nemourseko dukeei buruzko bertsoak: 1845eko irailaren 9koak. Phare de Bayonne agerkariaren segida izan zen Phare des Pyrénéesen argitaratua^[4].
• Montpensierreko dukearen ezkontzari buruzkoak: 1846ko urriaren 30ean Baionako Adour egunkarian agertuak.