Baztan (ibaia)

Baztan^[1] Bidasoa ibaiaren goiburua da, Nafarroa Garaian dagoena. Baztan eta Bertizarana zeharkatzen dituenean hartzen du izen hori, Erratzun jaiotzen denetik Doneztebera bitarteko ibilbidean. Hortik aurrera, Bidasoa izena hartzen du, Galbaraialde ibaiarekin elkartzerakoan.

Baztan (ibaia)
Mota	ibai
Geografia
Koordenatuak	43°10′20″N 1°24′27″W
Kokapena	Euskal Herria
Herrialdea	Euskal Herria
Foru erkidego	Nafarroa Garaia
Hidrografia
Arro hidrografikoa	Bidasoaren arro hidrografikoa
Iturburua	Baztan
Bokalea ()	Bidasoa (Bertizarana)

Artikulu hau ibaiari buruzkoa da; beste esanahietarako, ikus «Baztan (argipena)».

Deskribapena

Izpegi errekak Izpegiko mendatetik eta Hauza mendiaren hegalean dagoen Istauz sakanetik gertu bat egiten duen lekuan sortzen da. 26,8 kilometro luze da, Erratzu eta Doneztebe artean, herri honetan Malerrekatik heldu diren Ezkurra eta Ezpelura ibaien elkartzea den Galbaraialde ibai motzarekin elkartzean Bidasoa izena hartzen baitu. ^[2]

Ibilbidea

Erratzu inguruan jaiotzen da, Elbete, Elizondo, Lekaroz, Irurita, Arraioz eta Oronoz-Mugairitik herri baztandarretatik igaroz, gero Bertizaranan sartu eta Oieregi, Narbarte eta Legasa igaro ondoren Doneztebera iritsi eta Galbaraialde ibaiarekin elkartzean Bidasoa izena hartuz.

Uholdeak

1913ko ekainaren 2an, euri-jasen ondorioz, ibaiak gainezka egin zuen, eta kalte material handiak eragin zituen ibaiertzeko herrietan, eta hainbat pertsona hil ziren. 2014ko uztailaren 4an, 100 urte baino zertxobait geroago, uholdeak izan ziren berriro antzeko arrazoiengatik.