Azido perfluorohexanosulfoniko

Azido prefluorohexanosulfonikoa konposatu organikoa da, C₆F₁₃SO₃H formula duena, organofluoratuen familiakoa eta konposatu per eta polifluoroalkilatuen klasekoa. Solido kristalino beix kolorekoa da^[1].

Azido perfluorohexanosulfoniko
Formula kimikoa	C6HF13O3S
SMILES kanonikoa	2D eredua
MolView	3D eredua
Mota	Substantzia per eta polifluoroalkilatuak eta perfluorosulfonic acids (en)
Masa molekularra	399,944 Da
Identifikatzaileak
InChlKey	QZHDEAJFRJCDMF-UHFFFAOYSA-N
CAS zenbakia	355-46-4
ChemSpider	61053
PubChem	67734
Reaxys	1813793
Gmelin	132448
ChEMBL	CHEMBL1906987
EC zenbakia	206-587-1
ECHA	100.005.989
UNII	ZU6Y1E592S

Poluitzaile organiko iraunkorra da eta Stockholmeko Hitzarmenak fabrikatzea eta erabiltzea debekatu zuen 2022an^[2].

Sintesia

Azido prefluorohexanosulfonikoa eta bere klaseko konposatuak Simons-en fluorazio elektrokimikoaren bidez prestatzen dira^[3].

Erabilera

Azido perfluorohexanosulfonikoak, bere gatzek eta erlazionatutako konposatuek ezaugarri oso bereziak dituzte: beroari, agente kimikoei eta marruskadurari erresistentzia handia eta ura, olioa eta koipea uxatzeko ahalmena. Kontsumo-produktu askotan baliatzen zen hala nola, tapizak, ehunak, inprimagailuetako tintak, sua itzaltzeko aparrak edo sukaldeko tresna itsagaitzetan^[2].

Toxikotasuna

Azido prefluorohexanosulfonikoa eta bere gatzak txit erresistenteak dira degradazio biologiko eta termalarekiko bere karbono-fluoro lotura sendoengatik. Degradazioaren aurrean horren erresistenteak izateak ekartzen du ingurunean denbora oso luzez irautea. Zortzi urte behar ditu degradatzeko.

Gizakiongan nerbio-sistemari, garunaren garapenari, sistema endokrinoari eta tiroideari eragiten diote^[2].