Armagh konderria (Contae Ard Mhacha irlanderaz), Erresuma Batuko Ipar Irlanda osatzen duten sei konderrietako bat da. Britainiaren agintaritzapean dago.
| Armagh konderria | |||
|---|---|---|---|
 Erresuma Batua | |||
 | |||
| |||
| Administrazioa | |||
| Estatu burujabe | Erresuma Batua | ||
| Herrialdea |  Ipar Irlanda | ||
| Hiriburua | Armagh | ||
| Geografia | |||
| Koordenatuak | 54°21′00″N 6°39′17″W | ||
 | |||
| Azalera | 1.254 km² | ||
| Mugakideak | Loutheko konderria, Monaghaneko konderria, Downeko konderria, Tyroneko konderria eta Antrimeko konderria | ||
| Punturik altuena | Slieve Gullion | ||
| Demografia | |||
| Biztanleria | 174.792 (2011) | ||
| Dentsitatea | 139,39 bizt/km² | ||
| Ordu eremua | UTC±00:00 | ||
"Fruitu Baratza konderria" (Orchard County) ezizenez ezagutua da, sagasti zabal eta ugari asko baiditu. Bere hiri garrantzitsuena Armagh da, nahiz eta Craigavonen metropoli eremua haundiagoa izan. 1.254 Km² azalera du eta 159.085 biztanle ditu.
Konderriak iparraldean Neagh aintzirarekin egiten du muga, ekialdean Downeko konderriarekin, hegoaldean Loutheko konderriarekin Irlandako Errepublikan, eta mendebaldean Tyroneko konderriarekin eta Monaghaneko konderriarekin.
Ipar Irlandako gatazka garaian Armagh konderriaren hegoaldea Europa mendebaldeko eremu militarizatuena omen zen. Eskualdea IRAren gotorlekua izan da eta ondorioz konderriak "Bidelapurren Konderria" ezizena jaso du ("Bandit Country"). Hegoaldeko biztanlegoaren %90 inguruk bere burua errepublikartzat du eta britainiar okupazio militarraren aurka dago.
Geografia
Blackwater ibaiak Tyroneko konderriarekin ezartzen du muga. Bann ibaiak Armagh konderria iparretik ekialdera gurutzazen du, urak Neagh aintziran isuriaz. Konderriaren mendiak Silver Guillion, Carrigatuke eta Camlough dira.
Armagh konderriari dagozkion diren uharte asko daude Neagh lakuaren eremuan: Coney Uhartea, Derrywarragh Uhartea edo Padian dira horietako batzuk.
Hiriak eta herriak
Metropoli eremu handiena Craigavon da 57.865 biztanlerekin, bertan Craigavon, Lurgan eta Portadown dira partaide garrantzitsuenak. Bestalde aipatu behar da Newry hiriaren mendebaldeko auzoa ere Armagheko konderrian dagoela.
- Lurgan/an Lorgain (23.000 biztanle)
- Portadown/Port a' Dúnáin (22.000)
- Armagh/Ard Mhacha (14.590), hiriburua
- Craigavon/Creag Abhann (12.500)
- Tandagree/Tóin re Gaoith (3.050)
Historia
IV menderarte Ulaid leinuaren lurraldea izan zen, baina Hiru Collen inbasioaren ondoren XII menderarte Colla "gorria" leinua izan zen nagusi. Konderria hainbat baroierritan banatu zen ondoren eta bakoitzaren jabetza jauntxo desberdinek hartu zuten; O'Rogan, O'Neill eta O'Larkin besteak beste. Normandiarren indarrak gora egin ahala MacCann leinua jabetu zen lurralde guztiaz.
Ondasun nabarmenak
- Armagheko San Patrizio katedrala
- Gosford gaztelua
- Emain Macha, Irlandako antzinako gotorlekua
- Slieve Gullion mendia
Pertsona ezagunak
- Ian Paisley (1926- ), politikaria.
Iruditegia
Armagheko San Patrizio katedral katolikoa
Armagheko San Patrizio katedral protestantea
Craigavoneko aintzirak
Slieve Gullion mendia
Kanpo estekak
Datuak: Q192761
Multimedia: County Armagh / Q192761
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
