Alberto Ullastres
From Wikipedia, the free encyclopedia
Alberto Ullastres Calvo (Madril, Espainia, 1914ko urtarrilaren 15a - ibidem, 2001eko azaroaren 15a) politikaria, ekonomista eta legelaria izan zen.
_pasador.svg){kind=small}
_pasador.svg){kind=small}
Zuzenbide eta Ekonomiako ikasketak egin zituen Madrilen. Ikasle garaian, Acción Nacional erakundeko gazteriaren buruzagietako bat izan zen. Espainiako Gerra Zibilean, Asturias, Aragoi eta Levanteko fronteetan borrokatu zen, teniente gisa. Gerra bukatu zenean, Ikerkuntza Zientifikoetako Kontseilu Goreneko Ekonomia Institutuko kide izan zen. Gero, Madrilgo Unibertsitatean, Espainiako Ekonomiaren eta Ekonomia Unibertsalaren Historiako katedra lortu zuen. Espainiako historiari eta ekonomiari buruzko liburu asko idatzi zituen.
1957an, Merkataritzako ministro izendatu zuten, eta berak abiarazi zuen Espainiako Egonkortze Plangintza, autarkia ekonomikotik ekonomia liberalizatzera eta nazioartekotzera pasatzeko lehen urratsa izan zena. 1965etik 1976ra, Espainiako lehen enbaxadore izan zen Europar Merkataritzaren, Energia Atomikoaren Europar Batasunaren, eta Ikatz eta Altzairuaren Europar Batasunaren aurrean. 1986tik 1995era, Banco Bilbao (Banco Bilbao Vizcaya, 1988az gero) banketxeko bezeroaren defendatzaile gisa lan egin zuen.
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q516066
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
