Txikipedia:Estonia
From Wikipedia, the free encyclopedia
Estonia Europako ipar-ekialdeko estatuetako bat da. Baltikoko estatuetako bat da, Letonia eta Lituaniarekin batera. Hiriburua Tallin da.
π¨βπ¨βπ¦βπ¦ Biztanleak 1.366.491 |
π Azalera 45.339 kmΒ² |
ποΈ Hiriburua Tallinn |
π· Argazkiak ikusi |
πΊοΈ |
Bertako herritarren bi herenak estoniar etniakoak dira. Finlandiarrekin senidetuta daude, Finlandiako herriarekin. Estonierak finlandieraren antz handia du. Errusiarrek Estoniako biztanleriaren laurdena baino gehiago osatzen dute. Herrialdeak ukrainar, bielorrusiar eta finlandiar talde txikiak ditu.
Estoniak Europako fede gutxienetarikoa duen herrialdea da. Herritarren % 30 baino gutxiago dira fededunak. Erlijioa praktikatzen duten gehienak kristauak dira. Eliza luteranoetako eta ekialdeko eliza ortodoxoetako kideek talde kristau handienak osatzen dituzte.
Baltikoko beste estatuetan bezala, Estoniaren populazioa hiritarra da batez ere. Biztanleen ia % 70 herri eta hirietan bizi dira. Estoniar etnikoek osatzen dute landa-eremuko biztanleria gehiena. Hirietan jatorriz estoniarrak ez diren biztanle asko bizi dira. Tallinn hiriburu eta hiririk handiena iparraldeko kostaldean dago. Mendeetan zehar, mugimendu handiko merkataritza-zentroa izan da.