From Wikipedia, the free encyclopedia
Katu belarria (Tradescantia zebrina) landare belarkara eta hostoiraunkorra da, jatorriz Mexiko, Erdialdeko Amerika eta Kolonbiakoa, eta apaingarri gisa erabiltzen dena. Halaber, katu belarri Tradescantia generoko beste bi espezie izendatzeko erabiltzen da: Tradescantia pallida eta Tradescantia fluminensis.
Tradescantia zebrina | |
---|---|
Sailkapen zientifikoa | |
Erreinua | Plantae |
Ordena | Commelinales |
Familia | Commelinaceae |
Leinua | Tradescantieae |
Generoa | Tradescantia |
Espeziea | Tradescantia zebrina Bosse, 1849 |
Hosto more-berdexka erakargarriak ditu, berrienak eta goikoenak moreak, eta zaharrenak eta beheragokoak bi zerrenda zilarkara dituztenak. Hosto zaharrenek magenta sakona eta uniformea erakusten dute.
Zurtoinak herrestariak dira, korapiloetan sustraituz. 2,5-10 x 1,5-3,5 cm-ko hostoak, obalo-oblongotik guztiz obalatura, zorrotzak baina oinarrian biribilduak. Infloreszentziak bakartiak, terminalak edo hostoei oposatuak; pedunkuluak 1,5-11 cm luze dira; 2 braktea, desberdinak, kanpokoak 1,5-6 cm; barnekoak 0.8-3 cm; oro har, ilegabeak.
2n = 22, 23, 24, 47 eta 48ko kromosoma kopurua du.
Batez ere landare apaingarri bezala hedatu da, lorategietan, bide-ertzetan, estalduran eta (bereziki klima hotzetan) etxeko landarea gisa. Aldaxkatuz erraz ugaltzen da; zurtoinak nabarmenki segmentatuak dira eta sustraiak sarritan pitzaduretan hazten dira. Azkar hazten da, gaixotasunei aurre egiten die eta itzala jasaten du.
Eskualde askotan, espezie honek lorategietatik ihes egin du, batez ere AEBtako hegoaldean. Hori dela eta, toki askotan landare inbaditzaileteat jotzen da. Aldaxkatuz erraz ugaltzen da.
Sinonimoak:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.