From Wikipedia, the free encyclopedia
Artikulu hau Ekuadorko dibisari buruzkoa da; beste esanahietarako, ikus «Sucre».
Sucrea[1] (gaztelaniaz: Sucre), Ekuadorko Errepublikan 1884 eta 2000 bitartean zirkulazioan egon zen dibisa da[2]. Bere ISO 4217 kodea ECS zen eta bere sinboloa S/.. Sucre banako baten ehunena zentabo deitzen zen eta peso bakoitza 100 zentaboz osatuta zegoen. Antonio José de Sucre politikari, militar eta Latinoamerikako herrialdeen independentziaren bultzatzaile nagusiaren omenez izendatua izan zen[3].
1884ko martxoak 22an ekuadortar pesoa ordezkatu zuen. 2001eko ekainak 10ean berriz, estatubatuar dolarrak, sucrea ordezkatu zuen.
2000eko martxoak 13an, estatubatuar dolarra Ekuadorko zirkulazio dibisa legala bihurtu zen. Ondoren, 2000eko irailak 9an, sucrea zirkulazio legaletik kanpo geratu zen. Azkenik, 2001ko ekainak 8rarte, sucrea Ekuadorko Banku Zentralean trukagarria izan zen estatubatuar dolar 1 = 25.000 sucre trukaneurri finkoarekin[3][2].