From Wikipedia, the free encyclopedia
Manuel Ruiz Zorrilla (Burgo de Osma, 1833ko martxoaren 22a - Burgos, 1895eko ekainaren 13a) espainiar politikaria izan zen. Diputatu progresista izan zen (1858-1863) eta San Gilen kuarteleko matxinada gidatu zuen 1866an. Espainiatik alde egin behar izan zuen eta 1868. urteko iraultzan gauzatu zen konspirazioen buru bihurtu zen. Ministro izan zen Serranoren agintaldian eta Italiara joan zen Espainiako koroa Amadeo I.ari eskaintzera. Gobernuburua izan zen 1871-1873 urteetan. Amadeo I.ari erbestera lagundu zion eta errepublika onartzeko prest agertu zen koroa borboitarrei eskaintzen ez zitzaien artean. Cánovasek Espainiatik egotzi zuen. Alderdi errepublikano aurrerakoia sortu zuen 1880. urtean. 1883an errepublikaren aldeko matxinadetako konspiratzailea izan zen, eta hamar urte geroago Errepublikar Batasuna sortu zuen aurrerakoiekin eta errepublika zentralista aldarrikatzen zutenekin batean. 1895. urtean, gaixorik, alderdiaren lehendakaritza utzi zuen, Espainiara itzuli zen eta artxibo politiko guztiz aberatsa bildu zuen, Llopisek eta Alvaren Villamilek Cartas de conspiradores liburuan 1929an argitaratua.
 |
Wikimedia Commonsen badira fitxategi gehiago, gai hau dutenak: Manuel Ruiz Zorrilla  |
Datuak: Q959529
Multimedia: Manuel Ruiz Zorrilla / Q959529Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
.svg){kind=small}
