From Wikipedia, the free encyclopedia
Lycaena virgaureae Lycaenidae familiako tximeleta espezie bat da. Europan eta Asian aurkitzen da, Iberiar penintsulan hasi eta Siberian zehar Mongoliaraino.
| Lycaena virgaureae | |
|---|---|
 | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Lepidoptera |
| Familia | Lycaenidae |
| Generoa | Lycaena |
| Espeziea | Lycaena virgaureae Linnaeus, 1758 |
| Datu orokorrak | |
| Ostalaria | Rumex |
Lineo naturalista suediarrak deskribatu zuen 1758. urtean.
Tximeleta txiki bat da, 26-34 hegal-zabalera duena[1]. Sexu dimorfismoa azaltzen du. Arraren hegalak laranja biziak dira, ertz beltzak dituztenak. Aurreko hegaletan puntu beltz batzuk izaten ditu batzuetan. Azpialdean kolore horiagoa du aurreko hegaletan eta okreagoa atzeko hegaletan. Puntu beltz ugari izaten ditu[1].
Tximeleta emearen kolorea laranja-horixka izaten da eta puntu beltz ugari ditu. Aniztasun handia erakusten dute emeen hegalek.
Beldarrak berdeak dira eta puntu zuri batzuk izaten dituzte.
_Lycaena_virgaureae_-_Radawa_Poland_-_male_dorsal.jpg)
_Lycaena_virgaureae_-_Radawa_Poland_-_male_ventral.jpg)
Belaunaldi bakarra duen tximeleta da eta uztaila erdialdetik iraila erdialdera ikusten dira. Arrautza zuriak banan bana jartzen ditu landarearen zati lehorretan, batzuetan multzotan ere bai. Negua igaro ondoren jaiotzen dira beldarrak eta gauez elikatzen dira. Prezipitazio handiko eremuetara moldaturik daude eta ur azpian ere denbora luzez iraun dezakete[1].
Mendialdeko zelaietan ikusten da, 1.000 eta 2.000 altuera duten lurraldetan[2]. Armenian 2.700 metrotako altueran ere aurkitzen da bertako azpiespeziea[3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
