Kaolinita Al2Si2O5(OH)4 osaera kimikoa duen buztinezko minerala da. Silikato geruzaduna da, eta bere egituran tetraedroz osatutako geruzak eta oktaedroz osatutakoak txandakatzen dira. Tetraedroen erpinetan oxigeno atomoak dauzka eta erdian silizio atomoa dago; oktaedroen erpinetan hidroxiloak eta oxigenoa daude, eta erdian aluminio atomoa.
 Kaolinita | |
|---|---|
 | |
| Ezaugarri orokorrak | |
| Kategoria | Silikatoa |
| Formula | Al2Si2O5(OH)4 |
| Nickel-Strunz sailkapena | 9.ED.05 |
| Sistema kristalino | Triklinikoa |
| Eponimoa | Gaoling (en)  |
| Identifikazioa | |
| Kolorea | Zuria, batzuetan printz gorri, urdin edo marroiekin ezpurutasunen eraginez |
| Habitoa | Lur-antzekoa |
| Esfoliazioa | Perfektua |
| Gogortasuna Mohs eskalan | 2 - 2,5 |
| Distira | Hila eta lur-antzekoa |
| Marra | Zuria |
Kaolinitaren izena Txinako Gaolin (高岭, "muino altua") lekutik eratorri da. Leku honetan txinatarrek lehen aldiz aurkitu zuten mineral hau modu naturalean. Hala ere, ez zen izan munduan lehen aldiz deskribatu zen lekua; hori Brasilgo Jari ibaiaren arroan izan zen 1867an.
Kaolinita Lurreko mineralik arruntenetakoa da. Kaolin izenaren pean erauzten da Brasilen, Frantzian, Erresuma Batuan, Alemanian, Indian, Australian, Korean, Txinan eta Estatu Batuetan, besteak beste.
Erabilerak
Merkataritzarako kaolina hauts lehor gisa, fideo erdi lehor gisa edo emultsio likido gisa salerosten da.
zeramiketan, medikuntzan, couché paperean, janarien gehigarri gisa, hortzorean, goritasunezko lanpara zurietako argiaren difusore gisa eta kosmetikan erabiltzen da. Margoetan eta tintetan ere erabiltzen da. Erabilera nagusia paperaren ekoizpenean ematen zaio, gehien bat paper mota batzuen distira finkatzeko.
Fruta, barazki eta beste landare batzuetan intsektuek egindako kalteak murriztu edo saihesteko ere erabiltzen da. Kasu honetan ihinztadura bidez aplikatzen da.
Erabilera tradizional bat urdaileko mina arintzeko botika gisa da. 1990eko hamarkadara arte beherakoen aurkako sendagai baten substantzia aktibo gisa erabili zen.
Kanpo estekak
 |
Artikulu hau geologiari buruzko zirriborroa da. Wikipedia lagun dezakezu edukia osatuz. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
