Nafarroa Garaiko udalerria From Wikipedia, the free encyclopedia
Esprontzeda[4] ([es̺pronts̻eða]) Nafarroako udalerria da. Lizarrako merindadeko herri honek 119 biztanle zituen 2014. urteko erroldaren arabera. Nafarroako hiriburutik 75 kilometrora dago.
Esprontzeda | |||
---|---|---|---|
![]() | |||
![]() | |||
| |||
![]() | |||
Kokapena | |||
Herrialdea | ![]() | ||
Lurraldea | ![]() | ||
Merindadea | ![]() | ||
Eskualdea | Vianaldea | ||
Administrazioa | |||
Estatua | ![]() | ||
Erkidegoa | ![]() | ||
Izen ofiziala | ![]() | ||
Alkatea | Ángel María Fernández Azpilikueta (San Vicente) | ||
Posta kodea | 31228 | ||
INE kodea | 31096 | ||
Herritarra | esprontzedar | ||
Geografia | |||
Koordenatuak | 42°35′53″N 2°18′09″W | ||
Azalera | 9 km² | ||
Garaiera | 537 metro | ||
Distantzia | 75 km (Iruñetik) | ||
Demografia | |||
Biztanleria | 108 (2023: ![]() | ||
Dentsitatea | 12 bizt/km² | ||
Zahartzea[1] | % 28,62 | ||
Ugalkortasuna[1] | ‰ 0 | ||
Ekonomia | |||
Jarduera[1] | % 0 (2011) | ||
Desberdintasuna[1] | % 0 (2011) | ||
Langabezia[1] | % 4,78 (2013) | ||
Euskara | |||
Euskaldunak[2][3] | % 4,70 (2018: ![]() | ||
Datu gehigarriak | |||
Webgunea | http://www.espronceda.org |
Herria, Nafarroa mendebaldean kokatzen da, Arabako mugatik gertu. NA-7200 errepidean dago, Santsoleko norabidean.
Esprontzedak Torralba del Rio eta Mirafuentesekin egiten du muga iparraldean, Desojorekin ekialdean, Torralba del Rio eta Bargotarekin mendebaldean, eta Armañantzasekin hegoaldean.
Esprontzedako klima, mediterraniar kontinentala da, urteko batez besteko balioak honakoak dira: 11 graduko tenperatura, eta 600-1.000mm bitarteko prezipitazioak. Urteroko egun euritsuak 80 inguru dira herrigunean, eta 100 edo gehiago udalerriaren iparraldeko gune menditsuenean.
Nekazaria eta gizakiaren eragina dela eta, jatorrizko landaredia bost hektarea arte, eta birlandatutako pinuetara mugatzen da. Zuhaitz hauek, olibondo eta bestelako laboreak dauden lurren artean hazten dira.
Esprontzedako udalaren mugetan Pedrigosako historiaurreko aztarnategia dago. Jaurerria duela mende askotatik, 1323an herritarrek Morentingo Gonzalo Martinezi jaurerria erosi zioten, eta Nafarroako Carlos I.a erregeak Vianako forua eman zien esprontzedatarrei.
1847an herriak eskola zeukan. Maisua, sakristaua eta udaletxeko idazkaria zen aldi berean. 1833 eta 1839 urteetako Gerra Karlistan udalerrian zegoen mendi bakarra goldatu zen. XX. mendean uruna egiteko errota zegoen herrian.
Maximo Ruiz de Gaona zientzialari ospetsua bertan jaio zen 1902an.
Esprontzedako biztanleria |
---|
![]() |
Datu-iturria: www.ine.es |
2008ko erroldaren arabera, Espainiaz kanpoko hiru etorkin bizi ziren herrian, biztanleriaren %2,38a (Nafarroako batezbestekoaren azpitik).
2007an ez zen hauteskunderik izan, ez zelako inongo talderik aurkeztu[5]. Hori dela eta 2003koetan UPNren izenean aurkeztu zen Jose Luis Fernandez Irisarrik karguan segitu zuen.
2011n bi hautesle elkarte independente aurkeztu ziren: San Vicenteren 4 kide (haien artean alkate bihurtu zen Angel Maria Fernandez Azpilicueta) eta Agrupación Independiente de Espronceda (AIE) izenekoaren beste bat zinegotzi atera ziren.
Alderdia | Botoak | Zinegotziak |
San Vicente | 63 | 4 |
AIE | 39 | 1 |
Esprontzedako udaletxeko idazkaria Torres del Rio eta Azueloko idazkari ere bada.
Hauek izan dira Esprontzedako azken alkateak:
Alkatea | Agintaldi hasiera | Agintaldi amaiera | Alderdia[6] |
1979 | 1983 | PSE | |
1983 | 1987 | Independenteak | |
1987 | 1991 | PSN | |
1991 | 1995 | UPN | |
1995 | 1999 | UPN | |
1999 | 2003 | Independenteak | |
Jose Luis Fernandez Irisarri | 2003 | 2007 | Independenteak |
Jose Luis Fernandez Irisarri | 2007 | 2011 | Kudeaketa batzordea |
Angel Maria Fernandez Azpilicueta | 2011 | 2015 | San Vicente |
Angel Maria Fernandez Azpilicueta[6] | 2015 | 2019 | PSN |
Lizhet Jhoana Cerpa Paredes[6] | 2019 | Jardunean | Agrupacion Independiente de Espronceda[7] |
Nafarroako gobernuak onartutako Euskararen Foru Legearen arabera Esprontzeda eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %1,22k zekien euskaraz hitz egiten.
Esprontzeda "Jurramendi Mankomunitateko" kidea da.
San Bizente Martiriaren eliza, XVI. mendearen bigarren erdian eraikia. Elizak nabe bakarra dauka, poligono itxurako aurrealdea, eta ganga estaldura. Parrokiako dorrea XVII. mendean egin zuten. Landako Ama Birjinaren baseliza bestalde, herriaren kanpoaldean dago.
Eraikuntza zibilari dagokionez, Azedotarren jauregia nabarmentzen da, XVII. mendean harlanduz eginiko eraikina.