Eskolarra, Ruvettus pretiosus, gempylidae familiako eta Ruvettus generoko arraina da ur epeleko itsaso eta ozeano guztietan bizi dena[2]
| Eskolar | |
|---|---|
.png) | |
| Iraute egoera | |
| Sailkapen zientifikoa | |
| Erreinua | Animalia |
| Filuma | Chordata |
| Klasea | Actinopteri |
| Ordena | Scombriformes |
| Familia | Gempylidae |
| Generoa | Ruvettus |
| Espeziea | Ruvettus pretiosus Cocco, 1833[1]
|
Arrainez, moluskuz eta txipiroiez elikatzen den ehiztari bentonikoa da.
Gehienez ere 300 cm eta 63,5 kg pisu har ditzake. Kolore marroi ilunekoa da, baina bular- eta pelbis-hegatsek mutur beltza dute. Bigarren bizkar-hegatsaren eta uzki-hegatsaren ertzak zuriak dira ale gazteetan. Kanpoko azala oso latza da, hezur eta arantzadun tuberkuluekin tartekatutako ezkatekin. 15 hezur eta 15-18 erradio ditu bizkar-hegatsean, eta hezur bat eta 15-18 erradio uzkian. 32 orno ditu[3][4].
Eskolarra bere kide den eskolar beltza bezala Asian eta Europako hainbat estatutan jaten da, Espainia barne; askotan gordinik sushi edo sashimi moduan[5]
Eskolarra kontsumitzeak urdail-hesteetako nahasmendua eragin dezake zenbait pertsonen artean.
Esan bezala estatuan sal daiteke baldin eta honako baldintza hauek betetzen badira[6]
- Paketatuta edo ontziratuta merkaturatzea
- Behar bezala etiketatu behar da, kontsumitzaileari informazioa emateko, batetik, prestatzeko edo egosteko modurik egokienaren inguruan eta, bestetik, urdail-hesteetako nahasmendua eragiten duten substantzien presentziarekin lotutako arriskuaren inguruan.
Kontsumitzeko hainbat gomendio daude, besteak beste:
- Ahalik eta gantza gehiena kendu behar da. Gomendatzen da azala eta ikusten den gantza kentzea.
- Ez da gordinik jan behar.
- Kopuru txikia jan behar da, kontsumitzen den lehenengo aldian.
- Urdail-hesteetako sintomak atzemanez gero, ez da berriro kontsumitu behar.
- Talde kaltebereetako pertsonek (umeak, adinekoak, haurdunak, eta aurretik urdail-hesteetako patologiak dituzten pertsonak) ebitatu behar dute eskolarra jatea.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
