![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/The_Geography_Lesson_or_%2522The_Black_Spot%2522.jpg/640px-The_Geography_Lesson_or_%2522The_Black_Spot%2522.jpg&w=640&q=50)
Errebantxismo
From Wikipedia, the free encyclopedia
Errebantxismoa (frantsesez: Revanchisme, Mendekua), herrialde batek, sarri gerra edo mugimendu sozial baten ondorioz jasandako lurralde galerak iraultzeko borondatearen adierazpen politikoa da. Termino bezala, errebantxismoa, 1870eko hamarkadako Frantzian sortu zen, Frantzia-Prusia gerraren ondoren, frantziar porrota mendekatu eta Alsazia-Lorrenako lurralde galduak berreskuratu nahi zituzten nazionalisten artean[1].
![Thumb image](http://upload.wikimedia.org/wikipedia/commons/thumb/d/d9/The_Geography_Lesson_or_%22The_Black_Spot%22.jpg/640px-The_Geography_Lesson_or_%22The_Black_Spot%22.jpg)
Errebantxismoak pentsamendu patriotiko eta justizia erretributibotik ateratzen du bere indarra, eta askotan faktore ekonomiko edo geopolitikoek eragiten dute. Muturreko ideologo errebantxistek, askotan, harrapakari jarrera bat adierazten dute, euren helburuak, beste gerra baten emaitza positiboaren bidez lor daitezkeela iradokiz. Irredentismoarekin lotzen da, nazio kultural eta etnikoaren zati bat bere estatu-nazio egokiaren mugetatik kanpo "atzeraezin" geratzen delako ikuskerarekin.
Politika errebantxista, sarri, nazio bat estatu-nazio batekin identifikatzean oinarritzen da, sarri, nazionalismo etnikoaren sentimendu sakon errotuak mugiaraziz, talde etnikoko kideak bizi diren Estatutik kanpoko lurraldeak aldarrikatuz, eta nazionalismoa esku gogorrez erabiliz helburu hauen babesa mugiarazteko. Justifikazio errebantxistak, askotan, "antzina-antzinatik" lurralde baten okupazio zaharrean edo are autoktonoan oinarritutakotzat aurkezten dira, eta baieztapen hori errebantxismoan eta irredentismoan inplikatu ohi da, eta bere proposatzaileen begietara justifikatzen ditu.