Ego[1] Bizkaia ekialdeko eta Gipuzkoa mendebaldeko ibai bat da, Debaren ibaiadar nagusia. XIII. mende inguruan, hiribilduak eta probintziak sortu aurretik, Ego ibarraren ingurua industrigune garrantzitsua izan zen.
Ego (ibaia) | |
---|---|
Datu orokorrak | |
Mota | ibai |
Luzera | 15 km |
Geografia | |
![]() | |
Koordenatuak | 43°11′38″N 2°26′13″W |
Kokapena | Euskal Herria |
Hidrografia | |
Arro hidrografikoa | Deba ibaiaren arroa |
Iturburua | Mallabia |
Bokalea () | Deba (ibaia) eta Elgoibar |
Arrangizgana mendatearen inguruan du iturria, Oiz mendiaren hegalean, Mallabian (Bizkaia). Ahoa, berriz, Deba ibaian, Eibarko Maltzaga auzoan (Gipuzkoa).
Udalerri hauek zeharkatzen ditu: Bizkaian Mallabia, Ermua (non bideratuta eta estalita dagoen) eta Zaldibar; eta Gipuzkoan Eibar (non berriro estalia duten, ahora heltzeko azken zatian).
Ermuan sartu ondoren ibaia zeharo kutsatua dago. XX. mendean eskualdean eraikitako industriak ibaia erabili du ekoizpenean. Era berean, Eibar bizitako garapenak harana etxez bete ditu.
Kutsadura dela eta, oraintsu arte ia ez du faunarik izan, iturburutik hurbileko zatian ez bada. Hala ere, 2007ko martxoan Elgoibarko Apraiz auzoan eraikitako ur araztegiak zerbait hobetu du egoera: 2008az geroztik, Debarekin duen lotunean ahateak ere ikusi izan dira.
Hona hemen Egoren ibaiadar nagusiak:
- Ezkerraldetik:
- Berano.
- Arrajola, Urko menditik etorria.
- Abontza.
- Matsaria.
- Asua.
- Txarakoa.
- Azitain.
- Eskuinaldetik:
- Mallabia edo Urtia.
- Aixola, Elgetatik eta Zaldibartik etorria.
- Unbe.
- Txonta.
- Kinara.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.