EHUko prekarioen koordinadora
From Wikipedia, the free encyclopedia
EHUko Prekarioen Koordinadora Euskal Herriko Unibertsitatean (EHU) jarduten duen eta bertako irakasle eta ikertzaileak biltzen dituen plataforma bat da, 2023an sortuta. Plataforma UPV/EHUan ematen den prekarizazio egoerarengatik eta Unibertsitate Sistemaren Lege Organikoa (USLO) indarrean sartu zenetik areagotu egin diren lan baldintza txarrak salatzeko sortu zen[1].
EHUko Prekarioen Koordinadora | |
---|---|
![]() | |
Datuak | |
Herrialdea | Euskal Autonomia Erkidegoa |
Kidetza | EHUko irakasle, ikerlari eta langileak |
Sorrera | 2023 |
https://twitter.com/EHUPrekarioKoor |
Funtsean, plataformak ordezko irakasleek irakasle finkoek egiten duten lan berdinagatik gehienez 800 euroko soldatak jasotzen dituztela salatzen du. Ordezkoen ikerketa lana (ordaindu gabea) eta aurre egin behar duten irakaskuntza zama gehiegizkoa da eta, gainera, baldintza egokirik izan gabe. Era berean, Euskal Autonomia Erkidegoaren finantziazio falta seinalatzen dute; BPGaren %1 unibertsitatera bideratuta dago eta horren %0,4 inguru EHUk jasotzen du.[1]
Gatazka ikusarazteko eta konpontzeko bidean aurrera egiteko asmoz, 2023ko urriaren 11an, Euskal Autonomia Erkidegoko lau indar sindikal nagusiek (CCOO, LAB, STELIAS eta ELA) deitutako greba-eguna egin zen, eta bertan hartu zuen parte plataformak.[2]