Danaë (Klimt)

Danaë Gustav Klimt austriar margolariaren lana da, 1907an margotu zuena. Olio-pintura oihal gainean margotu zuen. Gaur egun, Vienako Würthle Galerian erakusten omen da, baina ez dago oso garbi galeria hori zein den; agian jabe pribatu baten identitatea ezkutatzeko erabili izan da. Klimt margolariaren lan ezagunetariko bat da.

Danaë (Klimt)
Jatorria
Sortzailea(k)	Gustav Klimt
Sorrera-urtea	1907
Mugimendua	sinbolismoa
Ezaugarriak
Materiala(k)	olio-pintura eta Margo-oihala
Dimentsioak	77 () × 83 () cm
Genero artistikoa	margolaritza mitologikoa eta biluzia
Egile-eskubideak	jabetza publiko
Deskribapena
Kokapena
Lekua	Leopold Museum (en)
Bilduma	Leopold Museum (en)
Argumentu nagusia	shower of gold (en)

Mitoa

Danae Argosko errege den Akrisioren eta Euridizeren alaba da. Aitak dorre batean sartu zuen gatibu, orakulu batek iragarri baitzion Danaeren seme batek hilko zuela. Baina Zeus dorrera sartu zen, urrezko euriaren itxura hartuta, eta harekin batu zen. Halaxe sortu zuen Danaek Pertseo.

Deskribapena

Danaeren gaia XX. mende hasieran oso ezaguna eta erabilia izan zen arte-munduan; aurretik ere artista handiak hurbildu ziren mito honen irudikapenera: Tiziano, Tintoretto, Rembrandt. Sinbolo bezala jainkoaren maitasuna eta haraindikotasuna adierazten zuen.^[1] Margolan honetan Zeus Danaeren gainean eta haren hanken tartean erortzen den urrezko euria da. Emakumea errege estalki batean babestuta dago. Neskaren aurpegian sinbolismoaren topikoak ikus ditzakegu: ile gorria, azala oso zuria, masail arrosak... Oso irudi erotikoa da, eta hori emakumearen aurpegian nabariagoa da. Emakumea umeki-jarreran dago jarrita.^[2]

Erreferentziak

1. .^{[Betiko hautsitako esteka]}
2. https://historia-arte.com/obras/danae-de-klimt

Kanpo estekak

• (Gaztelaniaz):Margolanaren inguruko komentarioa.

• Datuak: Q1445107
• Multimedia: Danae by Klimt / Q1445107