Athletic (emakumezkoen taldea)

Athletic Bilboko (Bizkaia) emakumezko futbol taldea da. 2002an sortua, beti jokatu du Espainiako lehen mailan, eta bost aldiz irabazi du liga hori.

Athletic Club

Ezizena(k)	lehoi emeak, zuri-gorriak
Sorrera	2002 (22 urte)
Futbol zelaia	Lezamako kirol-instalakuntzak edukiera: 2.500 lagun inaugurazioa: 1971
Presidentea	Jon Uriarte
Entrenatzailea	David Aznar
Liga	Lehen maila
2023-24	5.a
Webgunea	www.athletic-club.net
Etxekoa 　 Kanpokoa

Athleticeko jokalariak laugarren Superliga garaipena ospatzen San Mamesen.

2019-2020 denboraldiko euskal derbia Anoeta estadioan.

Historia

1970 eta 1980ko hamarkadetan Bizkaiko emakumezkoen futbola taldeak sortzen hasi ziren. 2000. urtean, Leioa EFT sortu zen Sondika KE taldean aritutako jokalariekin. Leioa EFT mailak igoz joan zen Superligara iritsi arte. 2002an Athletic Clubeko presidentea zen Javier Uriak ituna sinatu zuen orduko Leioa EFT Athletic Clubeko emakumezko taldea izateko. Athletic Club Femenino B taldea ere sortu zen 2002an.

Taldeak 2001-02 denboraldian Superligara igotzea lortu zuen. 2002/2003 denboraldian Athletic Superligako euskal herritar talde bakarra izan zen, baina bere estreinaldia ohorezko mailan ezin hobea izan zen, txapeldun izatea lortu zuen eta. Apirilaren 27an lortu zuen txapelketa, Sevillako Hispalis gaindituz San Mames bete batean. “Lehoi emeek” hurrengo bi denboraldietan ere titulua lortu zuten, 2004-05 denboraldian partida bat ere galdu barik. Denboraldi hartako titulua jokalariek Bilboko kaleetan zehar ospatu zuten, milaka eta milaka zaleen artean.

2005-06 denboraldia hasi baino lehen, Iñigo Juaristik (hiru tituluak lortu zituen entrenatzailea) eta zenbait jokalarik taldea utzi zuten zuzendaritzarekiko desadostasunak zirela eta. Ondorioz Athleticek ezin izan zuen aurreko denboraldietako arrakasta errepikatu. 2006-07 denboraldian Juaristi itzuli zen taldera eta titulua berreskuratu zuten "lehoi emeek".

Superliga irabazteak Europako Txapeldunen Liga jokatzeko aukera eman zion taldeari, bigarren faseraino heltzea arrakasta handiena izanez. Futboleko Espainiako Erregina Kopako finala bi aldiz jokatu du baina bietan galtzaile atera da, 2012an Espanyolen aurka luzapenean eta 2014an Bartzelonaren aurka penalti jaurtiketatan.

Hurrengo denboraldietan bigarren edo hirugarren egin du beti eta 2015-16 denboraldian bosgarren aldiz lortu zuen liga irabaztea. 2016-17an apalago ibili zen eta bosgarren egin zuen. 2017-18 denboraldian hirugarrena izan zen, Atletico Madril eta Bartzelonarengadik nahiko urruti. Erreginaren Kopako finalerdietara iritsi zen baina Bartzelonak penaltietan kanporatu zuen.

2018-19 denboraldian ere aurreneko bi postuetatik urruti dabil. Errege Kopako final laurdenetan ikusle kopuru izugarria bildu zen San Mamesen, 48.121 ikusle. Europan emakumezkoen futbol partida batek izan duen kopuru handiena da eta mundu mailako bigarrena. Atlético Madrilek 0-2 irabazi zuen partida.^[1]

Jokalariak

2013/2014 denboraldiko jokalariak

Zbk. Postua Jokalaria 1 ATE Ainhoa Tirapu 2 ATZ Eztizen Merino 3 ATZ Joana Arranz 4 ATZ Irene Paredes 6 ERD Joana Flaviano 7 AUR Nekane Díez 8 ERD Arrate Orueta 9 AUR Irune Murua 10 ATZ Iraia Iturregi 11 ERD Silvia Ruiz 12 AUR Manuela Lareo

Zbk. Postua Jokalaria 14 ERD Eunate Arraiza 15 ERD Alazne Gómez 16 ERD Amaia Olabarrieta 17 ERD Elixabet Ibarra 18 ATZ Leire Landa 19 AUR Erika Vázquez 20 ATZ Saioa González 21 ATZ Vanesa Gimbert 23 ATZ Patricia de la Sota 25 ATE Jone Guarrotxena 28 ATE Ane Otxoa de Zuazola

2014/2015 denboraldiko jokalariak

Zbk. Postua Jokalaria 1 ATE Ainhoa Tirapu 2 ATZ Eztizen Merino 3 ATZ Joana Arranz 4 ATZ Irene Paredes 5 ERD Maite Lizaso 6 ERD Alazne Gomez 7 AUR Nekane Diez 8 ERD Arrate Orueta 9 AUR Irune Murua 10 ATZ Iraia Iturregi 11 ERD Arene Altonaga

Zbk. Postua Jokalaria 12 AUR Yulema Corres 13 ATE Ane Otxoa de Zuazola 14 ERD Eunate Arraiza 16 ERD Amaia Olabarrieta 17 ERD Elisabeth Ibarra 18 ERD Izaskun Leoz 19 AUR Erika Vazquez 20 ATZ Saioa Gonzalez 21 ATZ Vanesa Gimbert 22 ATE Jone Guarrotxena 27 ERD Ainhoa Alvarez 29 AUR Jone Bilbao

2016/2017 denboraldiko jokalariak

Zbk. Postua Jokalaria 1 ATE Ainhoa Tirapu 2 AUR Estibaliz Bajo 3 ATZ Ainhoa Vicente Moraza 4 ATZ Garazi Murua 5 ERD Maite Lizaso 6 ERD Alazne Gómez 7 AUR Nekane Díez 8 ERD Joana Flaviano 9 AUR Irune Murua 10 ATZ Iraia Iturregi 11 AUR Yulema Corres

Zbk. Postua Jokalaria 12 ERD Jone Ibañez 13 ATE Jone Guarrotxena 14 ERD Eunate Arraiza 15 AUR Lucía García 16 ERD Maite Oroz 17 ERD Elixabet Ibarra 18 ERD Ainhoa Álvarez 19 AUR Erika Vázquez 20 ATZ Estibaliz Aizpurua 21 ATZ Vanesa Gimbert 22 ATE Andere Legina

Datuak

• Denboraldiak Lehen mailan: 22 (guztiak, 2023-24an)
• Lehen mailako emaitzarik onena (etxean): Athletic 11 - Pozuelo 0 (2008-09)
• Lehen mailako emaitzarik onena (kanpoan): Colegio Alemán 2 - Athletic 8 (2008-09)
• Lehen mailako emaitzarik txarrena: Athletic 1 - Espanyol 4 (2005-06)
• Ligako posturik onena: 1.a
• Ligako posturik txarrena: 11.a

Ibilbidea

Denboraldia	Superliga									Erreginaren Kopa	Txapeldunen Liga
	Maila	Pos.	J	I	B	G	GA	GK	Puntuak
2002-03	Superliga	1.a	22	17	4	1	90	16	55	1/4
2003-04	Superliga	1.a	26	19	3	4	80	29	60	1/2	1. erronda
2004-05	Superliga	1.a	26	20	6	0	77	15	66	1/4	1. erronda
2005-06	Superliga	5.a	24	13	2	9	52	46	41	1/4	1. erronda
2006-07	Superliga	1.a	26	20	4	2	82	27	64	1/4
2007-08	Superliga	3.a	26	17	2	7	72	31	53	1/4	1. erronda
2008-09	Superliga	3.a	30	21	2	7	100	43	65	1/4
2009-10	Superliga	3.a	14	9	2	3	30	22	29	1/4
2010-11	Superliga	3.a	14	9	1	4	32	15	28	1/4
2011-12	1. maila	2.a	34	29	4	1	118	25	91	Txapeldunorde
2012-13	1. maila	2.a	30	23	5	2	84	24	74	1/4
2013-14	1. maila	2.a	30	22	3	5	79	22	69	Txapeldunorde
2014-15	1. maila	3.a	30	19	8	3	73	24	65	1/4
2015-16	1. maila	1.a	30	25	3	2	75	15	78	1/4
2016-17	1. maila	5.a	30	16	5	9	64	44	53	1/4
2017-18	1. maila	3.a	30	18	2	10	51	41	56	1/2
2018-19	1. maila	5.a	30	14	8	8	48	33	50	1/4
2019-20¹	1. maila	5.a	21	10	5	6	30	23	35
2020-21	1. maila	11.a	34	11	7	16	43	60	40
2021-22	1. maila	7.a	30	14	5	11	45	47	47
2022-23	1. maila	10.a	30	10	5	15	34	44	35
2023-24	1. maila	5.a	30	17	2	11	38	37	53

• ¹ 2019-20 denboraldian COVID-19 pandemiaren erruz Liga 21. jardunaldian bertan behera gelditu zen.

Legenda

	Txapeldun
	Txapeldunorde

Palmaresa

• Lehen maila:
  • Txapelduna (5): 2002-03, 2003-04, 2004-05, 2006-07 eta 2015-2016.
  • Bigarrena (3): 2011-12, 2012-13 eta 2013-14.
• Erreginaren Kopa:
  • Txapelduna (0)
  • Finalista (2): 2011-12 eta 2013-14.
• Euskal Herria Kopa:
  • Txapelduna (7): 2011, 2013, 2014, 2015, 2016, 2017 eta 2018.
  • Finalista (3): 2012, 2019, 2020.
• Teresa Herrera Trofeoa (2): 2017, 2018.
• Ramón de Carranza Trofeoa (2): 2019, 2021.

Europako txapelketak

UEFA Emakumezkoen Txapeldunen Liga soilik jokatzen da.

Urtea	Irabazi	Berdindu	Galdu	Fasea
2003-04	2	0	1	ligaxka fasea
2004-05	2	1	0	sailkapen fasea
	1	1	1	ligaxka fasea
2005-06	2	1	0	sailkapen fasea
2007-08	2	0	1	sailkapen fasea
2016-17	1	0	1	final 1/32

Emakumezkoen B taldea

Athletic Club B izenarekin jokatzen du eta Bigarren mailan ari da.

Palmaresa

• Bigarren maila (4): 2010, 2012, 2014, 2017
• Euskadiko Federazioaren Kopa (4): 2011, 2015, 2018, 2019

Azken denboraldiak

Urtea	#	Maila	Emaitza
2003-04	2	2. maila	7.a
2004-05	2	2. maila	7.a
2005-06	2	2. maila	3.a
2006-07	2	2. maila	3.a
2007-08	2	2. maila	3.a
2008-09	2	2. maila	2.a
2009-10	2	2. maila	1.a
2010-11	2	2. maila	2.a
2011-12	2	2. maila	1.a
2012-13	2	2. maila	5.a
2013-14	2	2. maila	1.a
2014-15	2	2. maila	2.a
2015-16	2	2. maila	3.a
2016-17	2	2. maila	1.a
2017-18	2	2. maila	2.a
2018-19	2	2. maila	4.a
2019-20	2	2. maila	1.a
2020-21	2	2. maila	7.a
2021-22	2	2. maila	10.a
2022-23	2	Lehen Federazioa	11.a
2023-24	2	Lehen Federazioa	13.a (jaitsi)
2024-25	3	Bigarren Federazioa

Erreferentziak

1. «Errekorrak hautsi ditu Athleticen partidak: 48.121 ikusle» Argia (Noiz kontsultatua: 2019-02-10).

Ikus, gainera

• Athletic Club
• Espainiako Emakumezkoen Futbol Superliga
• Elixabete Capa
• Irantzu Castrillo
• Eba Ferreira Martínez
• Izaskun Gaztelu
• Julene Guarrotxena
• Itziar Gurrutxaga
• Elixabet Ibarra
• Iraia Iturregi
• Aitziber Juaristi
• Uguzne Mezo
• Nerea Onaindia
• Arrate Orueta
• Lorena Sanchez
• Leire Zabala

Kanpo estekak

• Athletic Clubeko webgunearen emakumezkoen taldea.

• Datuak: Q780121
• Multimedia: Athletic Club de Bilbao (women) / Q780121