1988ko Neguko Olinpiar Jokoak

1988ko Neguko Olinpiar Jokoak, Kanadako Calgary hirian ospatu ziren. Neguko Olinpiar Jokoen XV. edizioa izan zen. Udako Olinpiar Jokoen urte berean ospatu zen azkenaurreko Neguko Olinpiar Jokoen edizioa izan zen. Arrakasta ekonomiko handia izan zuten, eta milioika dolarreko irabaziak izan zituen. Urte honetan, Neguko Olinpiar Jokoak eta Paralinpiar Jokoak egoitza ezberdinetan ospatu ziren azken edizioa izan zen.

1988ko Neguko Olinpiar Jokoak
Mota	Neguko Olinpiar Jokoak
Denbora-tarte	1988ko otsailaren 13a - 1988ko otsailaren 28a
Data	1988ko otsaila
Edizio zenbakia	15
← 1984 1992 →
Kokaleku	Calgary
Herrialdea	Kanada
Partehartzaile kopuru	57 1.423
Maskota	Hidy and Howdy (en)
Kirola	negu-kirol
Beste batzuk
Kirol proba olinpiko	46
Osatuta
Nordic combined at the 1988 Winter Olympics (en) cross-country skiing at the 1988 Winter Olympics (en) alpine skiing at the 1988 Winter Olympics (en) disabled skiing at the 1988 Winter Olympics (en) speed skating at the 1988 Winter Olympics (en) luge at the 1988 Winter Olympics (en) bobsleigh at the 1988 Winter Olympics (en) biathlon at the 1988 Winter Olympics (en) Nordic skiing at the 1988 Winter Olympics (en) ice hockey at the 1988 Winter Olympics (en) ski jumping at the 1988 Winter Olympics (en) curling at the 1988 Winter Olympics (en) short track speed skating at the 1988 Winter Olympics (en) freestyle skiing at the 1988 Winter Olympics (en) figure skating at the 1988 Winter Olympics (en)
Webgune	olympics.com…

Historia

Aurrekariak

Calgaryk, joko hauetako hiri antolatzaile bezala izendatua izan aurretik, beste bi alditan aurkeztu zuen bere hautagaitza, 1964 eta 1968koetarako.

Calgary, hautagai izendatua izan zen 1981eko irailak 30ean. Baden-Badenen egin zen bozketa, eta, lehen itzulian, Italiako Cortina d'Ampezzo eta, bigarrenean eta erabakigarrian, Falun hiri suediarra garaitu zuen, 35 aldeko bozkarekin.

Gobernuko estamentu ezberdinak Jokoen antolakuntzan murgildu ziren, eta, honela, Gobernu federalak 225 milioi dolar eman zituen, Alberta probintziak 125 milioi, eta Calgary hiriak berak, 50 milioi. ABC telebista kateak, telebista eskubideak erosi zituen, garai hartarako errekorra izan zen 398 milioi dolargatik. Gainera, beste 90 milioi, lizentzia eta babesleen bidez lortu ziren.

Zuzi olinpikoak, Kanada 88 egunetan zeharkatu zuen, eta hiritarrek, kilometro bateko ibilbideetan zuzia eramateko lehiaketa bat sortu zen.

Dominak

Postua	Estatua	Urrea	Zilarra	Brontzea	Guztira
1	Sobietar Batasuna	11	9	9	29
2	Alemaniako Errepublika Demokratikoa	9	10	6	25
3	Suitza	5	5	5	15
4	Finlandia	4	1	2	7
5	Suedia	4	0	2	6
6	Austria	3	5	2	10
7	Herbehereak	3	2	2	7
8	Alemaniako Errepublika Federala	2	4	2	8
9	AEB	2	1	3	6
10	Italia	2	1	2	5

Une handiak

• Finlandiako Matti Nykänenek, eski jauzi probatako izarra izan zen, hiru urrezko domina irabaziz.
• Yvonne van Gennip patinatzaile herbeheretarrak ere, hiru urre irabazi zituen abiadurako probetan, horretaz gain, bi munduko errekor gaindituz.
• Alberto Tomba italiarrak, bi urre irabazi zituen eski alpetarrean.
• Eslalom Superrerraldoi probak, bere debuta egin zuen Jokoetan, gizonezko zein emakumezkoetan.
• Curlinga, estilo libreko eskia eta pistako abiadura irristaketa, erakustaldi probak izan ziren.
• Jamaika izan zen jokoetako ikuskizuna bobsleighean. Esperientzia handirik gabeko taldea zen, eta ez zuen dominarik lortu. Baina talde honetako bobsleigh kirolarien grinaren ondorioz, ikusleen miresmena piztu zen. Honek, 6 urte beranduago, Cool Runnings izeneko filma inspiratu zuen.

Maskotak

Jokoetako maskota ofizialak, Hidy eta Howdy izeneko bi hartz polar izan ziren. Izenak, Calgaryko zooak antolatutako lehiaketa baten bidez aukeratuak izan ziren. Lehiaketa horretan, 7.000 proposamen baino gehiago egin ziren.

Aurrekoa 1984ko Sarajevoko Neguko Olinpiar Jokoak

Aro Modernoko Neguko XV. Olinpiar Jokoak 1988

Ondorengoa 1992ko Albertvilleko Neguko Olinpiar Jokoak

Kanpo estekak

• Datuak: Q9658
• Multimedia: 1988 Winter Olympics / Q9658