From Wikipedia, the free encyclopedia
Ďumbier (slovaka elparolo: /ˈɟumbi̯ɛr/; hungare Gyömbér; pole Dziumbier) estas la plej alta monto de Malaltaj Tatroj en Slovakio. Ĝia alto estas 2 043,4 m kaj ĝi troviĝas sur la ĉefa kresto inter Krúpova hoľa (1 927,5 m) kaj Králička (1 785 m).
| Ďumbier | |||
|---|---|---|---|
 Ďumbier vidata de Krúpova hoľa | |||
| monto | |||
| Alteco | 2 043,4 m | ||
| Situo |  Slovakio Regiono Žilina Regiono Banská Bystrica | ||
| Montaro | Malaltaj Tatroj | ||
| Geografia situo | 48° 56′ N, 19° 38′ O (mapo)48.93638919.640278 | ||
| |||
 Ďumbier | |||
| Mineraloj | Granito | ||
| Rimarko | De la montarkabano Chata gen. M. R. Štefánika | ||
De nordo, Ďumbier prezentiĝas kiel grandeta altmonta masivo kun 500 m altaj muroj, kolonoj kaj sulkoj irantaj ĝis glaĉeraj kaldronoj en la valoj Bystrá kaj Ludárová. La pli milta suda deklivo estas kovrita de granitaj ŝtonoj. En la nordaj valoj oni povas renkonti ĉamojn kaj marmotojn.
De la pinto de Ďumbier estas bona ĉirkaŭa vido al preskaŭ tuta montara sistemo de centra kaj norda Slovakio.
Oni antaŭe intense minis en ĝiaj deklivoj feran ercon, oron kaj antimonan ercon. Restaĵoj de tiu agado estas videblaj en preskaŭ ĉiuj valoj.
Dum la Dua mondmilito okazis sur ĝiaj deklivoj bataloj inter slovakaj partizanoj kaj germanoj. Memore al tiuj bataloj kaj malfacila trairo de Malaltaj Tatroj fare de partizanoj dum la vintro de la jaro 1944, oni konstruis ĉe la proksima montarkabano Chata gen. M. R. Štefánika monumenton al pereintaj partizanoj.
Ďumbier estas alirebla per ruĝe markita vojo de la montarkabano Chata gen. M. R. Štefánika tra la monto Krúpova hoľa (1 927,5 m).
En la jaro 1973 estis deklarita 2 043,76 hektarojn vasta naturrezervejo. Ĝi enhavas la pinton de Ďumbier en la ĉefa kresto kaj la nordan deklivon. La teritorio konsistas el glacia reliefo sur granita grundo[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
