Shrouk El-Attar (naskiĝis la 30-an de novembro 1994 en Aleksandrio, Egiptio) estas elektronika dezajna inĝeniero, ventro-dancistino, aktivulino por la rajtoj de GLAT+ kaj iama rifuĝinto el Egiptio kiu ricevis azilon en Britio.
| Shrouk El-Attar | |
|---|---|
| Persona informo | |
| Naskiĝo | 1-an de januaro 1994 (30-jaraĝa) en Aleksandrio |
| Lingvoj | araba • egipt-araba |
| Loĝloko | Londono • Cardiff |
| Ŝtataneco | Egiptio  |
| Alma mater | Kardifa Universitato |
| Okupo | |
| Okupo | aktivulo homrajta aktivulo belly dancer (en)  GLAT-aktivulo |
Ŝi naskiĝis la 30-an de novembro 1994 en Aleksandrio, Egiptio. Ŝi fuĝis Egiption kaj petis azilon en Britio, kiun ŝi ricevis. Tie ŝi studis en la kimra Universitato de Cardiff, kiu elektis dediĉi tutan numeron de sia revuo al ŝi el pli ol 100 000 eks-studentoj[1]
GLAT
Ŝi volas montri al la mondo la veran diversecon de la maniero kiel aspektas inĝenieroj, nome ke eblas samtempe esti ventro-dancistino kaj inĝeniero[2]. El-Attar agis kiel ventro-dancistino nune nomata "Dancing Queer", por trovi monrimedojn por GLAT-homoj en Egiptio[3] kiuj pagu advokaton por defendi sin en tribunalo pro sia genro aŭ seksa orientiĝo kaj por helpi ilin translokiĝi kiam ilia vivo estas en danĝero[4]. Ŝi uzas ventran dancon por konsciigi kaj fari kampanjon por la rajtoj de la GLAT-komunumo en Egiptio[5], kie ili estas turmentitaj, enkarcerigitaj aŭ senditaj al malsanulejoj por mensaj malsanoj. Krom se individuo el la komunumo GLATK+ volas 'montri penton kaj bedaŭron pri sia sekseco', ili ne estos portretitaj en pozitiva lumo[3]. Krome Egipto pripensis novan leĝon por malpermesi samseksemon, kiu verŝajne akcelos la situacion por GLAT-Egiptoj[6].
Ĝis antaŭnelonge, la moderna araba ne havis pozitivan vortprovizon por pozitive paroli pri spertoj de homoj el la komunumo GLAT+ kaj eĉ post la naskiĝo de la nova araba vorto Methly (araba por 'kiel mi') uzi tiun vorton por paroli pozitive pri tiaj spertoj en la araba restas revolucia ago[1].
Scienco kaj edukado
Shrouk El-Attar ankaŭ gvidis la kampanjon "Equal Access" (egala aliro al edudado) enkadre de la Student Action for Refugees Society aŭ STAR (Societo por Studenta Agado por Rifuĝintoj). Kiam ŝi komencis la kampanjon, tre malmultaj britaj universitatoj akceptis azilpetantojn kiel 'home students' (hejmajn studentojn), sed en 2019 jam ĉirkaŭ 60 da ili akceptis la proponon. La Universitato de Cardiff kie Shrouk El-Attar rajtis studi, estis la unua 'Equal Access'-universitato en Kimrio[1].
La fakto ke ŝi, kiel adoleskulo kiu estis azilpetinto, ne ricevis la rajton studi inĝenierarton en universitato, forte influis ŝian mensan sanon. Malgraŭ tio, ŝi fariĝis STEM-ambasadoro en 2011. En 2019, ŝi komencis projekton por instrui matematikon al infanoj de rifuĝintoj[2].
Post agnosko fare de la Institution of Engineering and Technology en 2015, Shrouk El-Attar ricevis la Da Vinci-novigan premion pri inĝenierarto (2016). Shrouk El-Attar estas unu de la virinoj elektitaj en la jaro 2018 de la BBC kiel unu de la 100 plej inspiraj kaj influriĉaj virinoj en la mondo (100 Women BBC)[7][8]. Ŝi ankaŭ ricevis agnoskon de la agentejo pri rifuĝintoj de Unuiĝintaj Nacioj (UNHCR) kiel "Juna Virino de la Jaro" (2018) pro sia aktivismo kaj inspira gvidanteco[4]. En 2019 ŝi ricevis agnoskon de la Institution of Engineering and Technology (pintaj 6 junaj inaj inĝenieroj en Unuiĝinta Reĝlando)[2].
(angla) Shrouk El-Attar video en Facebook
(angla) Re-thinking Gender and Sexuality, TEDX prelego de Shrouk El-Attar.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
