Ronco sopra Ascona
komunumo de Svislando From Wikipedia, the free encyclopedia
Ronco sopra Ascona estas komunumo de la Komunumaro Isole kaj la Distrikto Locarno en Kantono Tiĉino, Svislando. Ĝi havis 664 loĝantojn je la 31-a de decembro 2011.
| Ronco sopra Ascona | |
|---|---|
 | |
| Blazono de Ronco sopra Ascona | |
 | |
| Ronco sopra Ascona | |
| Kantono | Tiĉino |
| Distrikto | Locarno |
| Komunumaro | Isole |
| Koordinatoj | 46° 8′ 38″ N 8° 43′ 30″ O (mapo) |
| Nombro de loĝantoj | 664 |
| Areo | 5,02 km² |
| Alteco | 353 m super marnivelo |
| Poŝtkodo | 6622 |
| Komunumkodo | 5125 |
 | |
| Mapo de Ronco sopra Ascona | |
Ronco sopra Ascona situas okcidente de Ascona sur deklivo super la Majora Lago kun bela vido al la lago, Ascona, Locarno kaj la Insuloj de Brissago. La plej alta punkto de la komunumo estas en nordo kun alteco de 1293 m s.m. la monto Corona dei Pinci. Al la komunumo apartenas krom la vilaĝo Ronco sopra Ascona sur la deklivo de la monto la frakcioj Fontana Martina kaj Porto Ronco apud la lagobordo, la vilaĝo Corafora super la lago apud la limo al Ascona, kaj sur la montodeklivo la setlejoj Porcedi, Porera, Crumiaga, Sciavard, Calzo, Gruppaldo, Livurcio kaj Purán.[1]
La teritorio de la komunumo etendiĝas sur areo de 5,02 km², de kiuj 74,5% estas kovritaj de arbaro, 2,4% servas por agrikulturo kaj 13,9% por setlado. [2]
La komunumo Ronco sopra Ascona limas en nordo kaj oriento al Ascona, en sudo al la Majora Lago, kiu samtempe estas landlimo al Italio, kaj en okcidento al Brissago.
Tra Ronco sopra Ascona pasas laŭlonge de la lago la kantona ĉefvojo n-ro 13 de Ascona al Brissago. Pere de buslinio de Ascona al Brissago kaj la liniŝipoj sur la Majora Lago la komunumo estas konektita al la publika transportreto.
La unua dokumenta mencio de Ronco sopra Ascona datiĝas el la jaro 1264 kiel Roncha. Ĝis 1641 Ronco apartenis al la Najbarara Ascona, tiam ĝi sendependiĝis de ĝi kaj fariĝis aparta komunumo en la Voktejo Lugano.[3]
En ronco sopra Ascona precipe dum la terura epoko de la hitlera imperio multaj gravaj personecoj trovis azilon. Vivis en Ronco sopra Ascona inter aliaj:
- Erich Maria Remarque (verkisto)
- Paulette Goddard (aktorino, la edzinon de Remarque)
- Kurt Hoffmann (fimreĝisoro, 1910–2001)
- Edwin Frey (citrusobredisto, 1911–2000)
- Richard Seewald (grafikisto kaj verkisto, 1889–1976)
- Aliaj signifoj de Ronco
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
