Rajon

Rajon (ruse, ukraine kaj bulgare район, beloruse раён, latve rajons, litove rajonas, kartvele რაიონი [ɾa.i.ɔ.ni], azere rayon; de la franca rayon = distrikto) estas la nomo de administracia unuo en Azerbajĝano, Belorusio, Bulgario,^[1] Kartvelio (ĝis 2006), Kirgizio, Latvio (ĝis 2009), Litovio, Moldavio, Rusio,^[2] Ukrainio kaj aliaj landoj. En la administra hierarkio rajono troviĝas sub la pli grandaj regionoj aŭ provincoj, nomataj oblast aŭ similforme, regionoj (kraj) aŭ aŭtonomaj distriktoj resp. aŭtonomaj respublikoj.

Ĉi tiu artikolo temas pri administracia unuo je malalta niveo en certaj landoj. Por fadena materialo produktata el celulozo rigardu la paĝon Rajono (teksaĵo).

Ankaŭ en urbegoj, urbopartoj estas dividitaj en urbokvartaloj same nomataj "rajon".

En kelkaj respublikoj de Rusio la administraj distriktoj de nomo rajon oficiale estas nomataj en la lokaj lingvoj, ekzemple Ulus (улус) en Jakutio aŭ Koĵuun (кожуун) en Tuvio. Tiuj administraj unuoj tamen havas la saman statuson kiel la administraj unuoj ruse nomataj "район", do "rajon".

Literaturo

• B. Topornin: Juridiĉeskaja enciklopedija (Юридическая энциклопедия). Jurist, 2001, ISBN 5-7975-0429-4, p. 929 (ruse).

Referencoj

1. artikolo "Закони, правилници..." ("Leĝoj, regularoj...") en la retejo lex.bg de novigita leĝo de aprilo 2018 pri la dividaĵoj "rajon" de la urboj Sofio (art. 2), Plovdiv (art. 3) kaj Varna (art. 4), vidita la 5-an de marto 2024: en Bulgario nur la grandaj urboj dividiĝas al administraj unuoj nomataj "rajon", kiuj do respondas al "urbodistriktoj" (bulgare)
2. Robert A. Saunders, Vlad Strukov: Historical Dictionary of the Russian Federation ("historia vortaro de la Rusa Federacio"). eldonejo Scarecrow Press (parto de eldona konzerno Rowman & Littlefield, Lanham, Marilando, Usono), 2010, ISBN 978-0-8108-5475-8, p. 477 (angle).

• Kategorio Rajon en la Vikimedia Komunejo (Multrimedaj datumoj)