Zwieselberg
komunumo de Svislando From Wikipedia, the free encyclopedia
Zwieselberg estis ĝis la 31-a de decembro 2009 komunumo de la distrikto Thun kaj ekde la 1-a de januaro 2010 komunumo de la administra distrikto Thun en Kantono Berno, Svislando. Ĝi havis 270 loĝantojn je la 31-a de decembro 2010.
| Zwieselberg | |
|---|---|
 | |
| Blazono de Zwieselberg | |
| former municipality of Switzerland • vilaĝo • kvartalo | |
| Kantono | Berno |
| Administra distrikto | Thun |
| Malnova distrikto ĝis 2009 | Thun |
| Koordinatoj | 46° 42′ 32″ N 7° 36′ 54″ O (mapo) |
|
| |
| Nombro de loĝantoj | 270 |
| Areo | 2,45 km² |
| Alteco | 660 m super marnivelo |
| Poŝtkodo | 3645 |
| Komunumkodo | 0947 |
 | |
| Mapo de Zwieselberg | |
Geografio
Zwieselberg situas en la Svisaj Antaŭalpoj en Berna Oberlando, sude de la urbo Thun kaj sudokcidente de la Lago de Thun. En oriento la komunumo etendiĝas ĝis al la bordo de la rivero Kander. En granda kurbo tra la komunumo pasas la rivereto Glütsch. En okcidento de la komunumo troviĝas la monteto Zweiselbergbeissere, sur kiu sur alteco de 823 m s.m. troviĝas la plej alta punkto de la komunumo. La komunumo konsistas el la setlejoj Glütsch, Chrüzgass (sur alteco de 652 m s.m. en la centro, ĝi estas la ĉefloko de la komunumo), Oberi Gass (sur alteco de 666 m s.m. rekte oriente de Chrüzgass), Stallägerte (sur alteco de 600 m s.m. nordoriente de Chrüzgass), Underi Gass (sur alteo de 650 m s.m. nordokcidente de Chrüzgass) kaj Ati Schlyffi (sur alteco de 597 m s.m. en la valo de Glütsch).[1]
La teritorio de la komunumo etendiĝas sur areo de 2,45 km², de kiuj 26,1% estas kovritaj de arbaro, 62,9% servas por agrikulturo kaj 9,8% por setlado. [2]
Najbaraj komunumoj
La komunumo Zwieselberg limas en nordo al Thun, en oriento al Spiez, en sudo al Reutigen, en okcidento al Höfen ĉe Thun, kaj en nordokcidento al Amsoldingen.
Trafiko
En oriento tra la komunuma teritorio pasas la kantona ĉefvojo n-ro 230 de Thun al Wimmis. De la kantona ĉefvojo kondukas okcidenten tra la komunuma teritorio la vojo n-ro 1106 al Amsoldingen. La plej proksima alveturejo al la svisa aŭtovojo A6, kiu pasas laŭlonge de la norda komunumlimo troviĝas nordokcidente de la komunumo en sudo den Thun en distanco de proksimume 3 kilometroj de la komunumo. Per la buslinio n-ro 55 de la transportentrepreno Thun-Interlaken de Thun al Wimmis la komunumo estas konektita al la publika transportreto.
Historio
Zwieselberg apartenis dum mezepoko al la paroĥo Amsoldingen kaj historie dividis ties sorton.[3] En 1712 la rivero Kander, kiu ĝis tiam kun inundoj minancis la teritorion de la komunumo, estis alikondukita al la Lago de Thun. Tio ebligis la konstruon de la vojo de Thun al Simme-Valo. En la 1930-aj jaroj ankaŭ la marco laŭlonge de la rivero Glütsch estis sekigita kaj ĝia teritorio fariĝis frukta agrikultura areo.[4]
Notoj kaj referencoj
Eksteraj ligiloj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
