Kuroda Masayuki

KURODA Masayuki (japane 黒田 (くろだ) 正幸 (まさゆき); naskiĝis en 1909; mortis la 2-an de februaro 1996 proksime al Osako) estis japana esperantisto kaj verkisto.

Kuroda Masayuki
Persona informo
Naskiĝo	30-an de novembro 1908 (1908-11-30)
Morto	2-an de februaro 1996 (1996-02-02) (87-jaraĝa)
Lingvoj	Esperanto • japana
Ŝtataneco	Japanio Japana Imperio (–1947)
Okupo
Okupo	esperantisto
v • d • r

Biografio

Laborante ĉe Oomoto, li lernis Esperanton de Jozefo Major en 1931 kaj esperantistiĝis en 1949. Li gvidis kursojn, aktivis en Osaka Esperanto-Societo (prezidanto 1962-70, honora membro de 1980) kaj en Kansaja Ligo de Esperanto-Grupoj (vicprezidanto 1974-81).

Verko

Kuroda riĉigis la Esperanto-beletron per utaoj originalaj kaj tradukaj (Lazur' kristala kaj pluv' susura, 1978) kaj per la aŭtobiografia romano Animo drivus (1990). Reprezentita per du poemoj en Esperanta Antologio, li premiiĝis dudekon da fojoj en poeziaj konkursoj, interalie kvarfoje en la Belartaj Konkursoj.

Bibliografio

• (1978) Utaaro de Masayuki. [s.n.].

("Lazur' kristala kaj pluv' susura : utaaro de Masayuki Kuroda", "Utaaro de Masayuki Kuroda")

• (1990) Animo drivas : original romano. Japana Esperanta Librokooperativo.

^[1]