Komunumo de Ŝtatoj Latinamerikaj kaj Karibaj

La Komunumo de Latin-Amerikaj kaj Karibaj Ŝtatoj (hispane Comunidad de Estados Latinoamericanos y Caribeños, portugale Comunidade de Estados Latino-Americanos e Caribeños, konata akronime CELAC) estas la nomo de la latinamerika kaj kariba bloko kiu estis establita la 23-an de februaro 2010 ĉe la "Rio Group" konferenco" kiu estis okazigita en Meksiko ^[1][2][3]. En la membra bloko troviĝas ĉiuj landoj de la amerika kontinento kaj la karibaj insuloj krom Usono kaj Kanado ^[4]. Eŭropaj landoj, kiuj posedas teritoriojn en la regiono, ne estas membroj.

Komunumo de Ŝtatoj Latinamerikaj kaj Karibaj
regiona organizaĵo interregistara organizaĵo
Komenco	23-a de februaro 2010 vd
Antaŭe	Rio-grupo • Latin American and Caribbean Summit on Integration and Development vd
Sidejo	Karakaso
Agareo	Latin-Amerika integriĝo
Retejo	Oficiala retejo
v • d • r

Oficiala portreto de la CELAC pintokunveno en Quito, Ekvadoro, 2016.

La bloko estas la rezulto de jardeko karakterizita de la profundiĝo de rilatoj inter la membroŝtatoj. La bloko celas profundigi la ekonomiajn, komercajn kaj politikajn ligojn inter la landoj kaj ankaŭ minimumigi la influon de Usono sur la politiko kaj ekonomio de la membrolandoj. La organizo rigardas sin kiel alternativon al la Organizaĵo de Amerikaj Ŝtatoj (OEA) kiu estis establita en Vaŝingtono en 1948 kiel opozicio al la ebla influo de Sovetunio en la regiono kaj kiu inkluzivas ĉiujn membroŝtatojn de tiu ĉi komunumo krom la Usono kaj Kanado ^[5][6].

En januaro 2020, Brazilo retiriĝis de la organizo ^[7]. Sekve de la brazila ĝenerala baloto de 2022, novelektita prezidanto Luiz Inácio Lula da Silva signalis lian intencon al realiĝo, efektive tiel farinta en la unuaj tagoj de lia administro ^[8][9].

En junio 2023, CELAC rekonis la latinamerikan kaj kariban karakteron de la insulo Porto-Riko kaj "vokas la Ĝeneralan Asembleon de Unuiĝintaj Nacioj ekzameni la demandon de Porto-Riko en ĝia tuteco kaj en ĉiuj ĝiaj aspektoj, kaj decidi pri ĉi tiu afero kiel eble plej baldaŭ".

Membroŝtatoj

32 landoj kun kvin malsamaj oficialaj lingvoj estas membroj de la komunumo ^[10]:

18 hispanlingvaj landoj:

Argentino  Bolivio  Ĉilio  Kolombio  Kostariko  Kubo  Dominika Respubliko  Ekvadoro  Salvadoro

Gvatemalo  Honduro  Meksiko  Nikaragvo  Panamo  Paragvajo  Peruo  Urugvajo  Venezuelo

12 anglalingvaj landoj :

Antigvo kaj Barbudo  Bahamoj  Barbado  Belizo  Dominiko  Grenado

Gujano  Jamajko  Sankta-Kito kaj Neviso  Sankta Lucio  Sankta Vincento kaj la Grenadinoj  Trinidado kaj Tobago

Unu franclingva lando:

• Haitio

Unu nederlandlingva lando:

• Surinamo

Unu portugallingva landon

• Brazilo

Vidu ankaŭ

• Mercosur
• Asocio Latin-Amerika por Integrado (ALADI)
• Bolivara Alternativo por Ameriko (ALBA)
• Karibia Komunumo (CARICOM)
• EU–LAC fonduso
• Ekonomio de Latin-Ameriko
• Lima Grupo
• Rio-grupo
• Komunumo Sudamerika de Nacioj (UNASUR)
• Ekonomia Komisiono por Latinameriko kaj Karibio