Kanaria ĉifĉafo

La Kanaria ĉifĉafo, Phylloscopus canariensis, estas specio de la genro de filoskopoj aŭ Phylloscopus lastatempe konsiderata kiel tipa genro en la propra familio de Filoskopedoj kaj antaŭe enmetita en la familio de Silviedoj. Ĝi estas specio endemia de la Kanariaj Insuloj, Hispanio. Foje estas uzata alternativa nomo nome Kanarinsula ĉifĉafo (Sangster et al., 2002).

Kiel legi la taksonomion Kanaria ĉifĉafo
Kanaria ĉifĉafo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Filoskopedoj Phylloscopidae Genro: Phylloscopus Specio: 'Ph. canariensis'
Dunomo
Phylloscopus canariensis (Hartwig, 1886)
Konserva statuso
Konserva statuso: Malplej zorgiga
Subspecioj
Phylloscopus canariensis canariensis, Hartwig, 1886 Okcidentkanaria ĉifĉafo Phylloscopus canariensis exsul Hartert, 1907 Orientkanaria ĉifĉafo (formortinta, 1986?)
Aliaj Vikimediaj projektoj
Sistematiko en Vikispecioj
Komunejo pri Kanaria ĉifĉafo
v • d • r

ovoj de Phylloscopus canariensis - Muzeo de Tuluzo

Aspekto

Ĝi estas filoskopo tre bruna supre kun senmarka krono kaj dorso kaj iom pli malhele en flugilpintoj, kun mallarĝaj malhela traokula strio kaj hela superokula strio. La subaj partoj estas blankecaj nome tre blanke en gorĝo kaj ventro kaj kun bruneca nuanco en brusto kaj flankoj. La kruroj estas tre malhelaj.

Taksonomio

Iam tiu palearktisa specio estis konsiderata subspecio de la Komuna ĉifĉafo (Phylloscopus collybita). Nuntempe ĝi estas agnoskata separata specio laŭ la nomo Phylloscopus canariensis (Clement & Helbig, 1998; Sangster et al., 2002) pro la jenaj kialoj (kompare kun la Komuna ĉifĉafo) (Helbig et al., 1996):

• Pli malgranda
• Pli mallongaj flugiloj
• Pli rondoformaj flugiloj
• Voĉoj diferencaj
• Diverĝo laŭ sekvencoj de DNA

Subspecioj

• Okcidentkanaria ĉifĉafo: Okcidentaj Kanariaj Insuloj: El Hierro, La Palma, La Gomera, Tenerife, kaj Gran Canaria.
• Orientkanaria ĉifĉafo: Orientaj Kanariaj Insuloj: Lanzarote kaj eble Fuerteventura.

Vidu ankaŭ

• Kanariaj sekaj duonarbaroj kaj arbaroj

Referencoj

• Clement, P. & Helbig, A. J. (1998): Taxonomy and identification of chiffchaffs in the Western Palearctic. British Birds 91: 361–376.
• Helbig, A. J.; Martens, J.; Seibold, I.; Henning, F.; Schottler, B. & Wink, M. (1996): Phylogeny and species limits in the Palearctic Chiffchaff Phylloscopus collybita complex: mitochondrial genetic differentiation and bioacoustic evidence. Ibis 138(4): 650–666.

• Sangster, George; Knox, Alan G.; Helbig, Andreas J. & Parkin, David T. (2002): Taxonomic recommendations for European birds. Ibis 144(1): 153–159. DOI 10.1046/j.0019-1019.2001.00026.x PDF plena teksto Arkivigite je 2019-09-13 per la retarkivo Wayback Machine

Portalo pri Birdoj