Julius Fučík (komponisto)

Julius FUČÍK [julius fuĉik] (naskiĝis la 18-an de julio 1872, mortis la 25-an de septembro 1916) estis ĉeĥa dirigento kaj aktiva komponisto de dancmuziko. Li verkis pli ol 400 marĉojn, valsojn, polkojn, kaj aliajn formojn de danca muziko. Hodiaŭ lia plej fama komponaĵo estas la marĉo Eniro de la Gladiatoroj (ĉeĥe Vjezd gladiátorů), kiun oni oftofte ludas ĉe cirkoj. Krom tiu estas la plej konata funebra marŝo Pax vobis 1915 (Pacon al vi).

Julius Fučík
Persona informo
Naskonomo	Julius Arnošt Vilém Fučík
Naskiĝo	18-an de julio 1872 (1872-07-18) en Prago
Morto	25-an de septembro 1916 (1916-09-25) (44-jaraĝa) en Berlino,  Germanio
Mortokialo	Sarkomo
Tombo	tombejo de Vinohrady
Lingvoj	ĉeĥa
Ŝtataneco	Aŭstrio-Hungario
Alma mater	Praga konservatorio
Familio
Frat(in)o	Karel Fučík (en)
Parencoj	Julius Fučík (nevo)
Okupo
Okupo	dirigento komponisto
Verkoj	Eniro de la Gladiatoroj
v • d • r

Fučík naskiĝis en Prago en 1872. Estante studanto li studis la fagoton kun Ludwig Milde, la violonon kun Antonín Bennewitz. Poste, instruata de Antonín Dvořák, li studis komponadon. En 1895 Fučík iĝis la dirigento de la ĥoro Danica.

La komponisto en 1913 transloĝiĝis en Berlinon, kie li kreis sian propran orkestron, la "Prager Tonkünstler-Orchester". Ankaŭ Fučík fondis la eldonejon Tempo Verlag por eldoni siajn komponaĵojn. Post la komenco de la unua mondmilito li iĝis malpli sukcesa finance; la eldonejo devigatis fermi, kaj la komponisto malsaniĝis. Li mortis en Berlin en 1916, estante 44-jaraĝa. Li en Prago estis enterigita.

Fučík estis la onklo de la ĉeĥa ĵurnalisto Julius Fučík.

• Kategorio Julius Fučík (komponisto) en la Vikimedia Komunejo (Multrimedaj datumoj)

PeEnEo: 398766 GND: 118536656 LCCN: n86070772 VIAF: 74037554 ISNI: 0000000109160914 LIBRIS: 275715 SUDOC: 166221090 BNF: 138941978 MBA: ae9a1f4c-7c80-41ce-b1c2-00374911b260 NLA: 57670365 NDL: 00513339 BIBSYS: 90921518 NKC: jn19981001289 ICCU: RAVV042246 BNE: XX1731922