Irja Klemola
Finna aŭtoro, esperantisto, instruisto kaj rektoro (1898-1995) From Wikipedia, the free encyclopedia
Finna aŭtoro, esperantisto, instruisto kaj rektoro (1898-1995) From Wikipedia, the free encyclopedia
Irja KLEMOLA (naskiĝis la 13-an de januaro 1898 – mortis la 13-an de novembro 1995 en Piikkiö, Finnlando) estis finna instruisto, rektoro, esperantisto, amatora astronomiisto kaj verkisto de infanlibroj. Ŝi estis prezidanto inter 1966 kaj 1973 de Esperanto-Asocio de Finnlando, kaj plej malfrue ties honora prezidanto. Ŝi estis dumviva membro, Honora Membro de UEA. La asteroido 1723 Klemola estas nomigita honore kaj Irja Klemola kaj la usona astronomiisto Arnold Richard Klemola.[1]
| Irja Klemola | |
|---|---|
 Irja Klemola en Varsovio, 1971 | |
| Persona informo | |
| Naskiĝo | 13-an de januaro 1898 en Loimaa |
| Morto | 13-an de novembro 1995 (97-jaraĝa) |
| Lingvoj | Esperanto • finna |
| Ŝtataneco | Finnlando  |
| Okupo | |
| Okupo | esperantisto instruisto |
Post studoj en Helsinko pri matematiko, fiziko, kemio kaj pedagogio, ŝi instruis de 1926 ĝis 1962 en la knabina lernejo de Turku, kaj fariĝis ties vicrektoro (1927–1939), poste rektoro 1939–1959. Ŝi aktivis en la skolta movado, kaj estis sekretario de la Turkua branĉo de la astronoma societo Ursa[1] 1936–1956. En la 1930-aj kaj 1940-aj jaroj ŝi aperigis kvar finnlingvajn infanlibrojn.
Klemola lernis Esperanton en kurso por studentoj en Helsinko 1920, sed precipe aktivis post sia emeritiĝo. Ŝi gvidis klubon por lernantinoj en Turku 1959–1962, prezidis la Esperanto-societon de Turku 1962–1966 kaj Esperanto-Asocion de Finnlando 1966–1973,[2] kaj estis estrarano de Esperanto-Ligo de Finnlandaj Instruistoj.
Estante membro de Universala Esperanto-Asocio ekde 1951, ŝi funkciis kiel delegito pri instruado de 1962 ĝis 1994, fine kiel plej aĝa membro de la Delegita Reto. Ŝi malavare mecenatis multajn movadajn fondaĵojn. Ŝi verkis lernolibron por finnoj, Planlingvo Esperanto en 1980,[3] kaj adaptis la Zagreban metodon al la finna 1989. Ŝia plej kara laborkampo estis informado: ŝi verkis broŝurojn, tradukis Esperanto-artikolojn por finnaj revuoj, interpretis okaze de vizitprelegoj.
Klemola partoprenis jam la 14-an UK-on en Helsinko 1922, kaj vicprezidis la LKK-on de la 54-a UK 1969 en la sama urbo. Je 90-jara aĝo ŝi veturis trajne al la Roterdama UK 1988, sed en 1995 ŝia sanstato ne plu permesis al ŝi veni al la Tamperea UK, kie salono portis la nomon Irja Klemola. Tamen, por la esperantistoj de Finnlando ŝi restos – kiel ili ĉiam kutimis nomi ŝin – nur "Avinjo". Ŝi mortis en novembro 1995, kaj havis 75 vivjarojn kiel esperantisto.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
