From Wikipedia, the free encyclopedia
Frederiko Vilhelmo la 2-a, germane Friedrich Wilhelm II. (naskiĝis la 25-an de septembro 1744 en Berlino; mortis la 16-an de novembro 1797 53-jara en Berlino) inter la jaroj 1786 kaj 1797 estis reĝo de Prusio kaj kiel margrafo de Brandenburgio ankaŭ kanceliero kaj princo-elektisto de la germanlingva Sankta Romia Imperio. Li ĝuis lukse vivi, tutkontraste al la antaŭa reĝo, lia onklo Frederiko la 2-a, kaj konsideratas multe malpli sukcesa reganto. Jam dum lia regotempo la civitanoj de Prusio moke nomis lin "la dika neniontaŭgulo" aŭ germane en tiutempa lingvaĵo "Der dicke Lüderjahn". Frederiko Vilhelmo la 2-a estis rozkrucisto.
Frederiko Vilhelmo la 2-a partoprenis la 2-an kaj la 3-an dispartigon de Pollando. Li opiniis, ke meritas rekompencon pro malvenkoj dum la franca kampanjo. La 23-an de januaro 1793 subskribis kun imperiestrino de Rusio Katerina la 2-a la duan dispartigon de la Respubliko de Ambaŭ Nacioj. Poste ordonis al sia armeo invadi Pollandon. Ankaŭ apogis Rusion subpremi la insurekcion de Kościuszko en 1794.
En 1795, post falo de la Pola Respubliko kaj eniro de prusa armeo al Krakovo, ekplanis rabon de la krona trezorejo sur Vavelo. Oni tiam ŝtelis 19 la plej valorajn polajn trezoraĵojn, en tio kronon de Boleslao la 1-a. Konforme al lia ordono ĉiujn objektojn oni kunfandis. La akirita oro estis utiligita en 1811 por moneroj kaj la juveloj venditaj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
