Forni Avoltri
komunumo de Italio From Wikipedia, the free encyclopedia
komunumo de Italio From Wikipedia, the free encyclopedia
For Davôtri (jen friule, For Davuatri en la loka varianto; Forni Avoltri laŭ la itala traduko de la loknomo) estas itala komunumo en la regiono Friulo-Venecio Julia, en la plej norda parto de la historia geografia regiono Karnio (Cjargne / Carnia) kie ankaŭ troviĝas la lago Bordàlie, unu el la plej belaj lagoj en tiu regiono. Ĝi situas en la tradicia provinco Udine, kiu ekde aprilo 2018 ne plu estas oficiala administra unuo - nun la loko formale apartenas al administra unuo nomata 'malcentra regiona unuo Udine'
For Davôtri / Forni Avoltri | |
![]() | |
komunumo de Italio | |
---|---|
Ŝtato | ![]() |
Regiono | Friulo-Venecio Julia |
Provinco | UD Udine |
Geografia situo | 46° 35′ N, 12° 47′ O (mapo)46.58333333333312.783333333333 |
Alto super marnivelo | 888 m |
Areo | 80,7 km² |
Loĝantaro | 501 (2023) |
Loĝdenso | 6 loĝantoj/km² |
Subdividaĵoj | Plans di Luce, Frassenêt, Sighiet, Culine Piçule kaj Culine |
Najbaraj komunumoj | Lesachtal (AT-2), Paluce, Prât, Rigulât, Sa Stefi (BL) kaj Plodn / Sappada (BL) |
Patrono | Sankta Laŭrenco |
Festa tago | 10-a de aŭgusto |
Nomo de loĝantoj | (itale) fornetti, avoltrini |
Poŝtkodo | 33020 |
Imposta kodo | D718 |
Kodo laŭ ISTAT | 030040 |
Telefona prefikso | 0433 |
Retpaĝo | Oficiala retejo |
For Davôtri situas je 130 km nordokcidente de Triesto kaj 70 km nordokcidente de Udine, ĉe la limo kun Aŭstrio. Fine de 2023 en la komunumo vivis 501 loĝantoj sur areo de 80,7 km².
La municipo For Davôtri enhavas jenajn frazioni (subsekcioj, plejparte vilaĝoj kaj vilaĝetoj) Plans di Luce (itale: Piane di Luzza), Frassenêt, Sighiet, Culine Piçule kaj Culine.
For Davôtri limas kun la sekvaj komunumoj: Lesachtal (Aŭstrio), Paluce, Prât, Rigulât, Sa Stefi kaj Plodn / Sappada.
For Davôtri, kiel ĉiuj 28 municipoj de Cjargne, plenumas la kondiĉojn de la objektivo 2 de la Eŭropa Unio por kiu koncedoj estas disponigitaj por malfavorataj areoj.
La ekonomio de For Davôtri baziĝas sur vintra kaj somera turismo. La municipo havas naŭ hotelojn, unu kampadejon, du kamparajn turismajn bienojn kaj tri alpajn ŝirmejojn. En la gastronomia areo, tri restoracioj estas disponeblaj.
En la vilaĝo Plans di Luce / Piani di Luzza okazis de la 13-a ĝis la 19-a de aprilo 2022 la Internacia Junulara Festivalo - ĝi estis la unua kiu denove povis okazi post du jaroj de deviga paŭzado sekve de ŝtataj limigoj pro la kronvirusa malsano.
La loko estas unu el la centroj de itala biatlono.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.