From Wikipedia, the free encyclopedia
De Stijl (prononco en nederlanda [də ˈstɛil]), en nederlanda "La Stilo", konata ankaŭ kiel novplastikismo, estis nederlanda arta movado fondita en 1917 en Amsterdamo. De Stijl konsistis el artistoj kaj arkitektoj.[1] En pli larĝa senso, la termino De Stijl estis uzata por referenci al verkaro el 1917 al 1931 fondita en Nederlando.[2][3] Proponantoj de De Stijl proponis pure abstraktadon kaj universalecon pere de redukto al la esenco de formo kaj koloro; ili simpligis vidajn komponaĵojn al vertikalo kaj horizontalo, uzante nur nigran, blankan kaj bazajn kolorojn.
De Stijl estas ankaŭ la nomo de gazeto kiu estis publikigita de la nederlanda pentristo, desegnisto, verkisto, kaj kritikisto Theo van Doesburg (1883–1931) kiu utilis por disvastigi la teoriojn de la grupo. Ĉe van Doesburg, la ĉefaj membroj de la grupo estis la pentristoj Piet Mondrian (1872–1944), Vilmos Huszár (1884–1960), kaj Bart van der Leck (1876–1958), kaj la arkitektoj Gerrit Rietveld (1888–1964), Robert van 't Hoff (1887–1979), kaj Jacobus Oud (1890–1963). La arta filozofio kiu formis bazon por la verkaro de la grupo estas konata kiel novplastikismo — la nova plastika arto (aŭ Nieuwe Beelding en nederlanda).