Ĝermolisto de estonaj esperantistoj

Tiu ĉi paĝo listigas ĝermajn informojn pri estonaj esperantistoj. Movu mallongajn informojn pri estonaj esperantistoj en tiun ĉi paĝon metante alidirektilon. Se vi volus partigi informon en apartan artikolon, aldonu informojn tiel ke minimume estu tri plenaj frazoj, prefere pli, nepre estu ĝustaj kategorioj, almenaŭ kategorio:estonaj esperantistoj, kaj laŭeble ankaŭ uziĝu la ŝablonoj {{Informkesto homo}} kaj {{vivtempo}}. Post kreo de aparta artikolo forigu la informon de ĉi-tie. Ekzistas pli plena listo de estonaj esperantistoj, en kiu listiĝu la nomoj de estonaj esperantistoj aŭ menciataj ĉi-tie aŭ per propra biografia artikolo.

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

B

Karl Brauer

Karl BRAUER estis germana balto en Estonio, profesie unue estis instruisto kaj en 1934 funkciis kiel supera impostinspektoro en Talino. Esperantisto ekde la jaro 1928, li estis estrarano de Esperanto-Asocio de Estonio (EAE) kaj de la Esperanta Turista Komisiono (ETK) centre aganta en Svedio.

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.

E

Veronika Eksta

Veronika Eksta, oficistino, estis esperantistino en Estono en la unua duono de 20-a jarcento. Ŝi venkis la titolon "Miss Esperanto" en la UK 1929.

J

Richard Jiik

Richard JIIK estis estona kemiisto kaj esperantisto, naskiĝinta la 14-an de marto 1905 en Talino. Li estis estrarano de Esperanto-Asocio de Estonio (EAE), fondita en 1922, poste multajn jarojn funkciis kiel redaktoro de la bulteno Informoj de EAE, estis kunlaboranto de la landa Esperanto-Instituto kaj de granda Esperanto-Estona Vortaro.

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.

K

Linda Köst

Linda KÖST (naskiĝis en 1933, mortis en 1987) estis UEA-fakdelegito en Talino, Estonio, tiam ankoraŭ parto de Sovetunio.

Karl Kultman

Karl KULTMAN estis estona bankoficisto kaj esperantisto, kiu naskiĝis la 20-an de aŭgusto 1890 en Puhkovo. Li esperantiĝis en 1917, gvidis multajn lingvokursojn kaj estis prezidanto de la Narva Esperanto-Unuiĝo ekde proksimume 1927.

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.

M

Ants Mikk

Ants MIKK (naskiĝis en 1921, mortis la 2-an de oktobro 1980) estis multjara UEA-delegito kaj fakdelegito en Viljandi (Estonio). Li longe aktivis en sia regiono kiel kursgvidanto.

N

O

Bernardo Ojasono

Bernardo Ojasono estis estona esperantisto en Tallinn en la unua duono de 20-a jarcento.

Verkoj

• Fragmentoj. Eld. la aŭtoro, Tallinn, 1938.
• Paŝoj ĉe Pordegoj. Eld. la aŭtoro Märjamaa, 1940(?)
• Citaĵoj el Gramatiko. Eld. la aŭtoro, 1940(?)

Recenzoj

Pri Fragmentoj'

„ Stranga verketo, kiu ne mencias nomon de eldonejo kaj nur enhavas la indikon ke ĝi presiĝis en Tallinn, en 1938. La materialo, kiun ĝi enhavas, tamen estas tre interesa! Anstataŭ « Fragmentoj », la aŭtoro estus ankaŭ povinte elekti kiel titolon « Mozaikromano ». Temas ja pri speco de romano, kiu konsistas el diversaj «momentoj». La lingvo estas bona, sed multaj novaj vortoj estas uzataj en ĝi. Ili tamen estas klarigitaj en la libro. « Fragmentoj » estas verko, kiun oni povus rekomendi por konatigi novulojn kun nia lingvo; eĉ povus esti uzata en progresaj kursoj de Esperanto. ” — Belga esperantisto n254 (apr 1938)

---

Pri Citaĵoj el Gramatiko.

	„ En ĉi tiu verketo la aŭtoro klarigas sian komprenon pri la Esperanta gramatiko; kaj la novaĵojn, kiujn li uzas por ĝin “pliriĉigi”, kaj kiujn li (ne ni) kredas uzeblaj sen forlaso aŭ ŝanĝo al la Fundamento. Li ĝin eldonas, “por fari miajn verkaĵojn pli kompreneblaj” ! ” — La Brita Esperantisto - Numeroj 424-425, Aŭgusto - Septembro (1940)

Ĉi tiu artikolo ankoraŭ estas ĝermo pri esperantisto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).