Administra divido de Brazilo

La Federacia Respubliko Brazilo estas dividita en 26 subŝtatojn/federacierojn kaj unu rekte federacieran distrikton (portugale Distrito Federal do Brasil). Kiel malsupra memstara administra nivelo sub federacieroj ekzistas la municipoj. La federacia distrikto konsistas esence el la urbo Braziljo.

Mapo indikanta la brazilajn subŝtatojn kaj regionojn per iliaj esperantigitaj nomoj, kaj aldone la Federacia Distrikto.

La subŝtatoj de Brazilo grupiĝas en kvin regionegoj, kiel montras la supra mapo dekstre.

Remove ads

Pli detalaj informoj troveblas en artikolo Subŝtatoj de Brazilo.

Pliaj informoj Flago, Subŝtato ...

Subŝtato	Oficiala nomo	Mallongigo	Ĉefurbo	Areo (km²)	Loĝantaro (2005)	Loĝantardenso (2005)
Akro	Acre	AC	Rio Branco	152.581,4	656.043	4,30
Alagoaso	Alagoas	AL	Maceió	27.767,7	3.015.912	108,61
Amapao	Amapá	AP	Makapao	142.814,6	594.587	4,16
Amazonio	Amazonas	AM	Manaŭo	1.570.745,7	3.232.330	2,05
Bahio	Bahia	BA	Salvador de Bahio	564.692,7	13.815.334	24,46
Cearao	Ceará	CE	Fortalezo	148.825,6	8.097.276	54,40
Espirito-Santo	Espírito Santo	ES	Vitória	46.077,5	3.408.365	73,97
Federacia Distrikto	Distrito Federal	DF	Braziljo	5.801,937	2.562.963	441,74
Gojaso	Goiás	GO	Goiânia	340.086,7	5.619.917	16,52
Maranjo	Maranhão	MA	San-Luiso	331.983,3	6.103.327	18,38
Mato-Groso	Mato Grosso	MT	Cuiabá	903.357,9	2.803.274	3,10
Minas-Ĝerajso	Minas Gerais	MG	Belo Horizonte	586.528,3	19.237.450	32,79
Norda Rio-Grando	Rio Grande do Norte	RN	Natalo	52.796,8	3.003.087	56,88
Paraibo	Paraíba	PB	Ĵoan-Pesoo	56.439,8	3.595.886	63,71
Paranao	Paraná	PR	Kuritibo	199.314,9	10.261.856	51,48
Parao	Pará	PA	Belemo	1.247.689,5	6.970.586	5,58
Pernambuko	Pernambuco	PE	Recife	98.311.6	8.413.593	85,58
Piaŭio	Piauí	PI	Teresina	251.529,2	3.006.885	11,95
Rio-de-Ĵanejrio	Rio de Janeiro	RJ	Rio-de-Ĵanejro	43.696,1	15.383.407	352,05
Rondonio	Rondônia	RO	Porto Velho	237.576,2	1.153.459	6,46
Rorajmo	Roraima	RR	Boa Vista	224.299,0	391.317	1,74
Sankta Katarino	Santa Catarina	SC	Florianópolis	95.346,2	5.866.568	61,53
San-Paŭlo	São Paulo	SP	San-Paŭlo	248.209,4	40.442.795	162,93
Serĝipo	Sergipe	SE	Arakaĵuo	21.910,3	1.967.761	89,81
Suda Mato-Groso	Mato Grosso do Sul	MS	Campo Grande	357.125,0	2.264.468	6,34
Suda Rio-Grando	Rio Grande do Sul	RS	Porto-Alegro	281.748,5	10.845.087	38,49
Tokantinso	Tocantins	TO	Palmas	277.620,9	1.305.728	4,70

Fermi

Remove ads

La municipoj (portugae Municípios) transprenas la esencajn administrajn taskojn. Entute nun (2015) ekzistas 5570 tiaj municipoj. La federaciero Minas-Ĝerajso havas per 853 la plej multajn municipojn.

Aparte grandaj urboj, ekzemple San-Paŭlo kaj Rio-de-Ĵanejro, estas subdividitaj en subprefektujoj (subprefeituras). San-Paŭlo disponas pri 31, Rio-de-Ĵanejro pri 7 subprefektujoj.

La urboj Braziljo kaj Rio-de-Ĵanejro estas pokaze subdividitaj en administrajn regionojn, je kio la 33 administraj regionoj de Rio-de-Ĵanejro fakte estas subprefektujoj.

Remove ads

1534
Capitanias hereditárias en portugala kolonia imperio
1573
Komenco per du ŝtatoj
1709
Sep praaj provincoj
1789
Inconfidência Mineira (brazila movado por sendependigo)
1822
Imperiestraj provincoj
1889
Federacieroj je deklarado de la respubliko
1943
Aliĝo da landlimaj regionoj
1990
Nuna subdivido

Ne al la administraj unuoj apartenas la regionoj (ankaŭ nomataj grandregionoj) formitaj pro statistikaj kaŭzoj. Tiuj ĉi estas subdividitaj en mezoregionojn kaj etregionojn. Tiuj ĉi ne estas teritoria korporacio. Ekzistas nun kvin grandregionoj en Brazilo.

Regiona subdivido en 1913
Regiona subdivido en 1938
Regiona subdivido en 1945
Regiona subdivido en 2015

Nordo (Região Norte)

La Nordo konsistigas 45,27 elcentojn de la brazila teritorio. Samtempe ĝi estas la regiono kun la dua plejmalmultaj loĝantoj, nome 15.864.454 dum la popolcenso de 2010.

La okcidento de la norda regiono estas industrie malmulte evoluinta kaj ne bone malfermita. Anstataŭe ĝi hejmigas per la amazona baseno la plej grandan ekologian sistemon de la mondo.

Al la Regiono Nordo apartenas la federacieroj:

Nordoriento (Região Nordeste)

Proksimume kvarono de la brazilanoj, precize 53.081.950 loĝantoj, vivas en la Regiono Nordoriento. La regiono estas kulture multvaria. Ĝin stampis la portugala kolonia regado, la afrika kulturo de la iamaj sklavoj kaj ne laste indianaj influoj.

Mezokcidento (Região Centro-Oeste)

La regiono, per 14.058.094 loĝantoj, la plej malriĉa je loĝantoj dankas sian gravecon precipe al sia riĉeco je krudmaterialoj. La Regiono Mezokcidento tamen ne estas bone malfermita, sed oni klopodas fortikigi ĝin. Unu rimedo tiucela estis interalie la translokado de la ĉefurbo al Braziljo.

Sudoriento (Região Sudeste)

En la Regiono Sudoriento vivas per 80.364.410 loĝantoj proksimume 42 % de la brazilanoj kaj pli homoj ol en ĉiu alia latinamerika lando. Per la aglomeraĵoj San-Paŭlo kaj Rio de Janeiro ĉi tiu regiono estas la ekonomia motoro de la lando.

Sudo (Região Sul)

La Regiono Sudo estas la plej malgranda regiono de Brazilo. La klimataj kondiĉoj similas al tiuj de suda Eŭropo. La regiono montras klare kulturajn influojn de germanaj kaj italaj enmigrintoj, kiuj prefere ekloĝis en ĉi tiu regiono. Proksimume 85 elcentoj de la 27.386.891 loĝantoj estas blankuloj.

Remove ads

Kategorio Administra divido de Brazilo en la Vikimedia Komunejo (Multrimedaj datumoj)

Brazilaj municipoj Arkivigite je 2008-04-10 per la retarkivo Wayback Machine
Teritoria organizo