Subŝtatoj de Brazilo
administra divido de Brazilo From Wikipedia, the free encyclopedia
Remove ads
La ŝtato Federacia Respubliko Brazilo estas dividita administre kaj politike en 27 federacierojn (formale nomataj federaciaj unuoj de Brazilo, unidades federativas do Brasil): 26 estados, kiuj en Esperanto korespondas al la politika koncepto de subŝtatoj, kvankam la laŭvorta traduko el la portugala estus "federaciaj ŝtatoj", kaj plus unu Distrito Federal, en Esperanto Federacia Distrikto. Laŭ la oficiala uzo de la portugala lingvo, neniam ekzistis ia termino "subestado" (laŭvorta traduko de "subŝtato") en tiu lingvo: Ĉiam temis pri ŝtatoj aŭ, dum la imperia periodo, pri provincoj. Tial brazilaj esperantistoj tendencas klarigi ke Brazilo estas "ŝtato el 26 ŝtatoj kaj federacia distrikto", kaj substrekas ke en pluraj aliaj landoj estas simila tendenco nacilingve nomi kaj la suverenan membroŝtaton de Unuiĝintaj Nacioj kaj ties unuarangajn administrajn partojn per la vorto "ŝtato" (ekzemple en Usono, Meksiko, Venezuelo kaj Niĝerio estas simile en la oficialaj ŝtataj lingvoj, la angla kaj hispana). Kelkaj esperantistoj opinias, ke esperantlingve la pli ekzakta lingvouzo estus nomi la 26 estados de Brazilo "subŝtatoj", pro tio ke ne temas pri suverenaj ŝtatoj. Ekzemple la unua vaste interrete atingebla unulingva Esperanto-Vortoro, la Reta Vortaro, listigas la vorton subŝtato en la ĉi tie indikita senco.[1] Tamen la plej ampleksa Esperanta difinvortaro, nome PIV, ne registras la vorton subŝtato kaj indikas, ke oni uzu la vorton ŝtato por paroli kaj pri la politika formo (sen ideo pri suvereneco) kaj por la federaciero[2].
Mapo indikanta la brazilajn subŝtatojn kaj regionojn per iliaj esperantigitaj nomoj, kaj aldone la Federacia Distrikto.
Kvankam la Federacia Distrikto rigore ne estas (sub)ŝtato, tamen pro analogio kaj taŭgeco multfoje ĝi aperas kune kun la (sub)ŝtatoj, sed pro neatento ĝi kelkfoje estas erare enlistigita kiel (sub)ŝtato mem. Verdire la Federacia Distrikto estas speciala teritorio de Brazilo, kie estas la landa ĉefurbo Braziljo, kun administra sistemo diferenca de tiu de la aliaj federacieroj.
La jena mapo montras la Federacian Distrikton kune kun la (sub)ŝtatoj pro taŭgeco, kvankam ĝi ne estas (sub)ŝtato fakte:
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads