From Wikipedia, the free encyclopedia
Werner Herzog Stipetić (5an de septembro 1942), konata kiel Werner Herzog, estas germana kinreĝisoro, produktoro, scenaristo, aktoro, kaj operoreĝisoro.
Li estas ofte konsiderata unu el plej grandaj figuroj de la movado Nova Germana Kino, kun Rainer Werner Fassbinder, Margarethe von Trotta, Volker Schlöndorff, Werner Schroeter, kaj Wim Wenders. Liaj filmoj ofte aperigas heroojn kun neeblaj revoj,[1] homojn kun unikaj talentoj en malhelaj kampoj, aŭ individuojn kiuj troviĝas en konflikto kun la naturo.[2] Franca kinisto François Truffaut iam nomigis Herzog "la plej grava vivanta kinreĝisoro"[3] kaj la usona kinkritikisto Roger Ebert asertis, ke Herzog "neniam faris ununuran filmon kiu estas interkonsentita, honta, farita por pragmatikaj tialoj aŭ seninteresa. Eĉ liaj malsukcesoj estas spectaklaj."[4]
El tre malriĉa familio, Herzog edukiĝis sen radio aŭ kino, en kontakto kun la naturo en farmo, for de la moderna mondo. Laŭ Herzog mem, li konis kinon nur estante 11-jaraĝa, kiam li ankaŭ vidis por la unua fojo aŭton. Estante 17-jaraĝa li ankaŭ por unua fojo telefonis. Estante 13-jaraĝa li translokiĝis al Munkeno por ekstudi en mezlernejo. Lia familio gastis provizore en pensio en kiu hazarde gastis ankaŭ Klaus Kinski, aktoro kiu estontece estos ŝlosila en lia kinkariero. Kinski ne rimarkis lin, sed Herzog dekomence jam fiksis la bildon de la senegala aktoro. Dum sia adoleskeco, Herzog trairis etapon tre religian, konvertiĝis al katolikismo, kaj diskutis kun siaj ateismaj samfamilianoj. El tiu epoko li ekvagadis piede; 15-jaraĝa li veturis el Munkeno ĝis Albanio kaj al Grekio.
Por povi studi kaj ĉeesti filmojn, li devis vivteni sin per diversaj laboroj. Ĉirkaŭ 1960 li ricevis la stipendion de la Programo Fulbright por studi kinarton en la Universitato de Dukesno, en Picburgo (Usono). Ankaŭ tie li devis diverse vivteni sin. Li ne laboris kiel helpanto de reĝisoro kaj estis memlernanto. En 1962, estante 20-jaraĝa, li fondis sian kinproduktoran entreprenon, nome Herzogfilmproduktionen. Venontjare li ekfilmis sian unuan kurton, nome Herakles, por kio li devis labori pli ol du jaroj en fabriko en Munkeno.[5] Poste li sekvis sian karieron per longaj filmoj, dokumentaj filmoj ktp.
Plej fama aktoro kunlaboranta por Werner Herzog estas Klaus Kinski, kiu ĉefrolulis en Aguirre, der Zorn Gottes, Nosferatu, Woyzeck, Fitzcarraldo, kaj Cobra Verde. En 1999 Herzog reĝisoris kaj rakontis dokumentan filmon Mein liebster Feind - Klaus Kinski, nome pri ilia ofte malfacila rilataro kun Kinski.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
