germana politikistino From Wikipedia, the free encyclopedia
Ursula Gertrud VON DER LEYEN [urzula gertrut fon der lajen] (naskita Ursula ALBRECHT [albreht] la 8-an de oktobro 1958 en Elsene, Belgio) estas germana politikistino. Ŝi estas membro de la kristandemokratia partio CDU.
De 2003 ĝis 2005 ŝi estis ministro pri socialaj aferoj, virinoj, familioj kaj sano de Malsupra Saksio. De 2005 ĝis 2009 ŝi estis ministro pri familioj, maljunuloj, virinoj kaj junuloj de Germanio en la ministraro unua de Angela Merkel. En 2009 ŝi transprenis la postenon de ministro pri laboro kaj socialaj aferoj de la sampartiano Franz Josef Jung. En la tria ministraro de Angela Merkel ŝi estis ministro pri defendo.
La 16-an de julio 2019 la Eŭropa Parlamento elektis ŝin prezidanto de la Eŭropa Komisiono, kun oficperiodo ekde la 1-a de decembro 2019.
Ursula Albrecht abiturientiĝis en gimnazio en Lehrte, Germanio. De 1977 ĝis 1980 ŝi studis ekonomikon en la universitatoj de Göttingen kaj Münster, sed ne finis tiujn studojn. Anstataŭe ŝi ekstudis medicinon en la Medicina Universitato de Hanovro. En 1987 ŝi trapasis la finan ekzamenon kaj ricevis kuracistan aprobacion. Poste ŝi laboris en la ginekologia fako de la universitata malsanulejo. En 1991 ŝi dokoriĝis.
Post la nasko de sia tria infano Ursula von der Leyen 1992 rezignis pri siaj klopodoj fariĝi fakkuracistino pri ginekologio. De 1992 ĝis 1996 ŝi kaj ŝia familio vivis en Usono. De 1996 ĝis 2002 ŝi estis kunlaboranto de Friedrich Wilhelm Schwartz en la epidemiologia fako de la Medicina Universitato de Hanovro. Depost ekzameno en 2001 ŝi rajtas nomi sin Mastro pri Publika Sano.
Ŝi gajnis la premion de la jara lingvofraŭdanto en 2014 kaj la premion de la angla mato por fremduloj en 2019, pro pruvo estigi EU-an decidan proceduron nure en la angla en la epoko de la Briteliro.
Ursula von der Leyen estas la filino de la eksa ĉefministro de la germania federacia lando Malsupra Saksio, Ernst Albrecht (CDU), kaj de lia edzino Heide Adele. Ŝi havas kvin fratojn. Ekde la jaro 1986 ŝi estas la edzino de la medicina profesoro Heiko von der Leyen. La paro havas sep infanojn. La familio loĝas en Burgdorf.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
