Simeiza observatorio

Simeizo
	Radioteleskopo RT-22 en la Simeiza observatorio
Organizaĵo	-?-
Kodo	094
Loko	Ukrainio; rk. Krimeo; u. Simeizo
Koordinatoj	44° 25′ 5″ N, 33° 59′ 51″ O (mapo)44.41803888888933.9974
Simeizo (Krimeo)	Simeizo
	Simeizo
Alto	360 m
Fondita	1908
Retejo	ukraine: >>>; ruse: >>>; angle: >>>
Teleskopo
RT-22	Radioteleskopo
	v • d • r

La Simeiza observatorio (ruse Симеизская обсерватория) estas astronomia observatorio en Krimeo (Ukrainio), apud la loĝloko Simeizo. Antaŭ la mezo de la 1950-aj jaroj la observatorio estis memstara scienca institucio; nun ĝi apartenas al la Krimea astrofizika observatorio. Nuntempe en la observatorio oni plenumas la esploradon de la sputnikaj orbitoj per la uzado de laseroj.

Rapidaj faktoj Simeizo, Organizaĵo ...

Fermi

Omaĝe al la Simeiza observatorio oni nomis la asteroidon 748 Simeisa, kiun malkovris G. N. Neujmin la 14-an de marto 1913.

La observatorio estis fondita de la amatora astronomo N. S. Malcov; komence ĝi havis nur 2 malgrandajn teleskopojn. En la jaro 1908 la fondinto donacis la observatorion al la Rusia Akademio de Sciencoj. Surbaze de tiu donaco oni organizis en Simeizo la Krimean filion de la Pulkova observatorio (kies ĉefsidejo troviĝas apud Sankt-Peterburgo. En la jaro 1925 oni muntis ĉi tie 1-metran reflektan teleskopon.

Dum la Dua mondmilito la observatorio estis plene ruinigita; plej multaj ekipaĵoj estis perditaj. La 30-an de junio 1945 oni decidis renovigi la observatorion, sed jam kiel memstaran Krimean astrofizikan observatorion. Samtempe oni konstruis novan teleskopon kun pli ol 2 metrojn granda spegulo (tiutempe ĝi estis la plej granda en Eŭropo kaj Sovetio). La observatorio havas ankaŭ radi-teleskopon kun la anteno 22 metrojn granda.

Nuntempe la observatorio apartenas al la Krimea astrofizika observatorio, kies ĉefsidejo nun troviĝas en la loĝloko Nauĉno apud Baĥĉisarajo.

...